Өрт – тілсіз жау. Сондықтан бұған бейжай қарамау керек. ТЖБ қызметкерлерінің ұйымдастыруымен Еңбекші ауданында өрт тактикалық сабағы өткізілді. Жалпы, Шымкенттік төтеншеліктер аудандарды аралап түсіндіру жұмыстарын да жиі жүргізіп келеді.Еңбекші ауданының төтенше жағдай қызметкерлері жергілікті тұрғындарға өрттен сақтанудың, терезе алдына балаларды жақындатпаудың алдын алу бойынша үгіт-насихат жүргізді. Ш.Уәлиханов көшесі 227 А мекенжайында орналасқан 9 қабатты биік ғимаратта бір адам зардап шегіп, дер кезінде құтқарылды. Өрт-тактикалық сабақты өткізудегі мақсат – өрт сөндірушілердің кәсіби дағдыларын одан әрі жетілдіру және аталған мекеме қызметкерлерін өрт туындаған жағдайда тиісті әрекет етуге баулу болып табылады.Өрт-тактикалық сабақтар жедел топтар мен ауданның тіршілігін қамтамасыз ету қызметтері арасындағы өзара әрекеттестік жұмыстарын дамытуға айтарлықтай септігін тигізеді. Аталған іс-шараға төтенше жағдай қызметкерлері, аудан әкімшілігі, ерікті жастар қатысты. Ал тұрғындар болса мұндай тексеру жұмысы жиі ұйымдастырылғанын қалайды.Айта кетейік, өрт-тактикалық сабақтар мегаполистің басқа да аудандарында қарқынды жүргізілуде. Жалпы, өрттің шығу себептері әртүрлі: балалардың ашық отпен ойнауынан, адамдардың өрт қауіпсіздігіне салғырт қарауынан. Сондықтан, айтып келмейтін апаттан алдын алу қашанда маңызды.
САРБАЗДАР ПРЕЗИДЕНТ ЖОЛДАУЫН ТЫҢДАДЫ
Мемлекеттің дамуы мен тұрғындардың өмір сүру сапасын арттыру бұл президенің пәрмені. Жыл сайынғы дәстүрлі жолдауда айтылатын негізгі бағытта осы. Ағымдағы...