ЖАС МАМАН — ЕЛ БОЛАШАҒЫ

Құрылғанына ширек ғасыр болған Академик Ә.Қуатбеков атындағы Халықтар достығы университеті – заман талабына сай жаңа буын қалыптастыруды қолға алып, болашақ мамандарды дайындап келе жатыр. Осы айтулы күнмен қатар келген мерекеде, университет ұжымы ЖОО қабырғасында 4 жыл білім алған студенттерді оқу жылының аяқталуымен құттықтап, дипломдарын табыстады.
Қызығы мен қиыны қатар жүретін студенттік шақтағы тағы бір оқу жылы аяқталды. Үлкен өмірге жаңа жолдама алған бітіруші түлектер үшін бұл маңызды кезең. Арман қуған жас бүгінде қолына диплом алып, маман атанып жатыр. Осы айтулы мереке академик Әбдімұса Қуатбеков атындағы Халықтар достығы университетінде де ерекше аталып өтіп жатыр. Жоғары оқу орны 34 бакалавр дәрежесінде мамандар дайындайды. Білім ордасында 14 мыңдай студент білім алады. Бүгінде университетті 5000 жуық бакалавр дәрежесінде, 100 магистрант түлектер бітіріп жатыр.
Мерекеге бітіруші түлектердің ата-аналары да қатысып, болашақ мамандарға ыстық лебіздерін білдірді. Жоғарғы оқу орнын тәмәмдап, білім нәрімен толыққан әрбір жас маман еліміздің ертеңі. Мерекелік шараға әр салада қызмет ететін азаматтар қатысып, бітіруші түлектерге дипломдарын табыстады. Арнайы концерт ұйымдастырылған шарада әсем ән шырқалып, студенттерге мерекелік көңіл күй сыйланды.