Жастарға мүмкіндік беретін “SUPER BOL” жобасының гранд финалдық матчы өтті. Мегаполисте ұйымдастырылған бірегей және ауқымды жоба — жастарды спортқа баулып, салауатты өмір салтын дәріптеуді мақсат етеді. Шараға қала әкімі және әлемдік футбол жұлдыздары қатысты.
Гранд финалда Қазақстанның түкіпір түкпірінен 16-18жас аралығындағы футболшылар сынға түсті. Реалити-шоуға эстрада жұлдыздары және Әлем Футболының аты аңызға айналған, Франция құрамасының “Челси”футбол клубының бұрынғы ойыншысы Флоран Малуда қатысты.
Жобаның басты мақсаты — әуесқой футболшыларға өз армандарын жүзеге асыруға және кәсіби келісімшартқа қол қоюға көмектесу.
Бәсекелестік ойынға кеңестік және еліміздің футболының аңыздары Вахид Масудов пен Дмитрий Огайдың командалары кездесті. Нәтижесінде үлкен финалда Вахид Масудовтың командасы 3:1 есебімен жеңіске жетті.Айта кетейік “Super bol”ең ерекше алғаш Қазақстанда ойлап табылған спорттық жоба.Кәсіпқой футболшы болуды армандайтын жеткіншектерге ерекше мүмкіндік беретін сайыс түрі елімізде осыдан екі жыл бұрын басталған. Осы кезеңде реалити-шоу 15 жасөспірімнің кәсіби футболға қадам жасауына жол ашқан болатын.
