Үшінші мегаполисте өрт сөндіру-құтқару спортынан республикалық сайыс өз мәресіне жетті.Қазақстан Республикасы кубогы үшін бәсекеге түскен 7-ші турнирінің жеңімпаздарды марапатталды.ерлер және әйелдер құрама командалары арасында өткен сайыс 4 күнге жоспарланған болатын. Сайыс барысында жоғары кәсіби спорттық-шеберлігін көрсеткен қатысушыларды тж департаметінің бастығы арнайы құттықтады.Турнирдің қорытындысы бойынша ерлер арасында жалпыкомандалық есепте 1-ші орынды Астана қаласы, 2-ші орынды Қызылорда облысы, 3-ші орынды Ақтөбе облысының құрама командалары қанжығасына байлады.Ал әйелдер арасында 1-ші орынды Түркістан облысы, 2-ші орынды Астана қаласы, 3-ші орынды Алматы қаласының құрама командалары алды.
Айта кетейік спортшылар жүз метрлік кедергілері бар жолақтан өту бойынша сайысып,жарыстың екінші күнінде командалар оқу мұнарасының 2, 3, 4 — қабаттарына шабуыл сатысымен көтерілу және одан кейінгі күндері өрт эстафетасы мен жауынгерлік қанат жаю бойынша бәсекелер өткен болатын. Турнирге еліміздің 13 облысынан 13 ерлер, 12 әйелдер құрама командалары, жалпы 300 ге жуық спортшылар қатысты.
