Шымкентте 1 мамырдан бастап 18 жасқа дейінгі мектеп оқушылары қоғамдық көлікте тегін жүреді. Бұл тізімгде бұдан бөлек тағы 10 санат өкілдері бар. Енді 300 мыңнан аса адам, автобус қызметіне ақы төлемейді. Одан бөлек қала әкімінің тапсырмасына сай және тұрғындардың өтініші бойынша қоғамдық көлік бағыттарына өзгерістер енгізілді.
Бүгін 1 мамыр – Қазақстан халқының бірлігі күні. Мереке қарсаңында шымкенттегі қоғамдық көлікте біршама өзгерістер орын алды. Енді тегін жүру құқығы қала тұрғындарының тағы бірқатар санаттарына берілмек. Оның ішінде ең маңыздысы оқушылар 1 мамырдан бастап қоғамдық көлікпен тегін жүреді. Одан бөлек, тегін жүру келесі санаттағы азаматтарға да қолжетімді болады. Олар:
1)Ұлы Отан соғысының ардагерлері;
2) жеңілдіктер бойынша Ұлы Отан соғысының ардагерлеріне теңестірілген ардагерлер;
3) басқа мемлекеттердiң аумағындағы ұрыс қимылдарының ардагерлері;
4) «Қазақстанның Еңбек Ері» атағына ие болғандар;
5) ҰОС жылдарында тылдағы қажырлы еңбегі мен мінсіз әскери қызметі үшін бұрынғы КСРО ордендерімен және медальдарымен наградталған адамдар;
6) 1941 жылғы 22 маусым — 1945 жылғы 9 мамыр аралығында кемiнде алты ай жұмыс iстеген (қызмет өткерген) және Ұлы Отан соғысы жылдарында тылдағы қажырлы еңбегi мен мiнсiз әскери қызметі үшін бұрынғы КСР Одағының ордендерiмен және медальдарымен наградталмаған адамдар;
7) саяси қуғын-сүргiндер құрбандары ретiндегі адамдар;
екінші топтағы мүгедектігі бар адамдар;
9) мүгедектігі бар балаларға;
10) 70 жастан асқан зейнеткерлер;
Бұл өзгерістер туралы 8 шақырылымдағы Шымкент қаласы мәслихатының кезекті 15 сессиясында айтылды.
Сондай-ақ, Қала әкімінің тапсырмасына сай және тұрғындардың өтініші бойынша қоғамдық көлік бағыттарына 1 мамырдан бастап өзгеріс енгізіледі.
Атап айтқанда, Бозарық шағын ауданына қатынайтын №9 бағытына жолаушы ағынының артуына байланысты жүргізілген зерделеу жұмыстарының нәтижесінде, қосымша 2 кесте қосылды. Яғни, енді 10 автобус 23 минуттық интервалмен жүреді.
Сонымен қатар, №30 автобус маршруты Әмір Темір көшесінің өтініші бойынша сызбасы ұзартылады.
№60 автобус маршрутының сызбасы Талдыкөл көшесі арқылы ұйымдастырылады.
№147 автобус маршрутының сызбасына өзгеріс енгізіліп, Ақтас-2 тұрғын алабы толық қамтылды.
Ал, №20 автобус маршрутының сызбасы Достық шағын ауданынан Сырым батыр көшесіндегі №59 мектепке дейін өзгертілді.
№139 автобус маршрутының сызбасы Омарташы көшесіне дейін ұзартылды
№21 автобус маршрутының сызбасы Орталық стадионға дейін өзгертілді.
Тұрғындардың өтініші бойынша кейбір автобустарға кесте қосылып, интервал азайды. Атап айтқанда;
№15 автобус маршруты Айқап шағын ауданы арқылы ұйымдастырылып, 2 кесте қосылды. Енді 9 автобус 14 минуттық интервалмен қатынайды.
Ал, №171 және №171А бағытындағы қоғамдық көліктер-10 кесте, 14 минуттық интервал.
№19 автобус маршруты- 10 кестемен 15 минуттық интервал.
№34 автобус маршрутына 2 автобус қосылды. 14 кестемен 9 минуттық интервал.
№96 автобус маршрутының сызбасы «Көмешбұлақ» аялдамасына дейін өзгертілді. 14 кесте 12 минуттық жиілік.
№102 автобус маршрутына 1 автобус қосылды. 9 кесте 12 минуттық жиілік.
№146 автобус маршрутының сызбасы «Жаңа Шаһар» аялдамасына дейін өзгертілді. 8 кесте 19 минуттық жиілік.
№191 автобус маршрутына 1 автобус қосылды. 8 кесте 13 минуттық жиілікпен қатынайды.
