Ұлтты ұйыстыратын да, ұяны бұзатын да – ұлттық идеология. Қоғамның кеселін анықтап, оны емдеуші, отбасы, жастар, билік институтын берік қалаушы – ішкі саясат басқармасы. Қоғамның артериясы деуге болады. Кез келген дұрыс емес шешім елдің ертеңіне әсер етеді. Осы мақсатта Шымкент қаласының салалық басқармасы кеңейтілген алқа мәжілісін өткізіп, өткен жылы тындырылған тірліктер мен ағымдағы жылдың жоспарымен таныстырды. Басқосуда мемлекеттік қызметтегі кадр тапшылығы, жастар арасында патриотизмды нығайту сынды бірқатар мәселелер айтылды.
Қоғамдағы әлеуметтік-саяси ахуалды қадағалап,тұрақтылықты сақтаушы ішкі саясат және жастар істері жөіндегі басқармасына 2023 жылы — қоғамдық келісім, әлеуметтік тапсырыс, жастар, мемлекеттік ақпараттық саясат пен өңірлік коммуникацияға 2 млрд 192 миллион бөлінген. Осының негізінде түрлі бағатта сан мыңдаған шара өтіп, оған жастар қатысқан.Бұл жөнінде басқарма басшысы Бахтияр Өнербаев мәлімдеді.
Ішкі саясат саласындағы негізгі бағыттың бірі қоғамдық тұрақтылықты сақтау. Түрлі этнос өкілдері мен этникалық топтардың татулығы мен келісімін дәріптеу үшін қаладағы 17 этномәдени бірлестік өкілдерінің қатысуымен шаралар ұйымдастырлыған. Мемлекет тарапынан жүргізіліп жатқан саясатты елге көрсетіп, бұқараны құлағдар етуші БАҚ беттерінде 78 мың ақпарат шығып, түсіндірілген.
Алқалы жиынға қатысушылар атқарылған істердің аз еместігін, дегенмен, босаңсуға болмайтынын атты. Батыс-пен шығыстың өркениеті араласып, секунд сайын өзгеріп отыратын жаһандану заманында біліммен қаруланып, ұлттық құндылықтарды ұмытпау – негізгі мәселе. Осы ретте қаланың белсенді азаматы Серікбай Онбаев патриоттық бағыттағы шаралардың кем екендігін айтады.
Мемлекеттік қызметте, оның ішінде ішкі саясатта өз ісінің маманын табу – өзекті мәселе. Яғни, соңғы кезде қағазбастылық пен бітпейтін есеп-қисаптан кадр саясатында жастардың қатары сиреп барады. Тапшылықты шешіп, олқылықтың орнын толтыру бойынша «Аманат» партиясының қалалық филиалының атқарушы хатшысы Жанар Бектаева тәжірибелі психолог, психотерапевт және суицологтармен шеберлік сабақтарын өтікізіп тұруды сондай-ақ, мамандарды белсене жұмыс жасауына ықпал ететін жобаларды ұсынды.
Мегаполисте 563 үкіметтік емес мекеме тіркелген. Президент азаматтық қоғам мықты болса, мемлекет те мықты екенін өз Жолдауында көрсеткен. Қоғамның белсенді болуы – әлеуметтік-экономикалық көрсеткіштің жақсаруына, демократиялы дамуға жол бастайды. Дегенмен, жарыссөзге шыққан «Азаматтық альянс» Шымкент қалалық филиалының жетекшісі Жұмағали Білісбеков бүгінде құрылған ҮЕҰ-дың көбісі жасап жүрген жұмыстары шынайылықтан алыстап бара жатқындығын айтты. Яғни, белгіленген шаралар жай есеп үшін ғана өткізіліп отырғанына қынжылды.
Жиынға қала әкімінің орынбасары Сәрсен Құранбек, басқарма басшылары, қоғам белсенділері, БАҚ өкілдері мен жастар қатысты. Ортаға шығып, сөз алған белсенді азаматтар берік идеологияны орнықтыру жолындағы өз тұжырымдарын, көзқарастарын айтты. Мәселелер де ашық алаңда айтылып, еститін билік өкілдері блокнотына түртіп отырды. Басқосу соңында әкім орынбасары тиісті басұармаға айтылған ұсыныстар мен уәждер бойынша қолға алынуы тиіс жұмыстарды жүйелеуді тапсырды.
