Ардагерлер кеңесінде не жаңалық? Шымкент қаласы миллион қала атанғалы мектептер мен балалар бақшалары да едәуір артты. Оның үстіне бірнеше мың ардагер тұрады. Қалалық ардагерлер кеңесі осыны ойластыра келе әр сала бойынша ардагерлер кеңесін құруды көздепті. Міне, сондай ұйымдастыру жұмыстарының бірі қалалық білім басқармасында өтті. Жиында қалалық ардагерлер кеңесінің төрағасы Кенжехан Төлебаев сөйлеп, білім саласы ардагерлерін қамтитын ұйым құру керектігін айтты. Жиналғандар бір ауыздан қала әкімінің орынбасары ретінде білім саласына басшылық еткен, ұзақ жыл мектеп басқарған Жолдасбек Күздеубаевты бірауыздан қалалық білім саласы ардагерлер ұйымының төрағасы етіп сайлады. Жиынға қалалық білім басқармасының басшысы Жанат Тәжиева қатысты. Ол мектеп жандарынан » Әкелер мектебін» ұйымдастырудың маңызына тоқтап, жаңа сайланған төрағаға сәттілік тіледі.
ЖАТ ҚЫЛЫҚ ЖАРҒА ЖЫҒАР
Суицид, нашақорлық және діни экстремизм қазіргі қоғам дерті. Аталған мәселелердің алдын алу үшін Сайрам ауданы прокуратурасының бастамасымен кәмелетке толмағандар арасында...
