АРДАГЕРЛЕРМЕН КЕЛЕЛІ КЕҢЕС

Еңбекші ауданы ардагерлер кеңесінің ұйымдастыруымен зиялы қауым өкілдері үшін бастауыш ардагерлер ұйымында іс-қағаздардың жүргізілуі, ардагерлерге көрсетілетін әлеуметтік көмектер барысы тақырыбы бойынша қалалық семинар өтті. Жиынға Әл-Фараби, Қаратау, Тұран, Абай аудандарының билері мен қала белсенділері қатысты.
Семинардың мақсаты 5 елді-мекендегі орналасқан халыққа есеп беріп, алдағы жұмыс жоспарымен таныстыру. Шымкент қаласы ардагерлер кеңесі төрағасының сөзіне сүйенсек орындалған әрбір іс жүзеге асып қана қоймай қағаз жүзінде де жасалуы қажет. Жоспарланған жұмыс халықтың барлығына бірдей пайдасын беруі тиіс. Тұрғындар ішінен қариялардың кәдесіне жарайтын жаңа бастамалар ұсынылса көмек көрсетуге дайын екенін жеткізді.
Еңбекші ауданы ардагерлер кеңесінің төрағасы жылдық жоспар мен атқарылған жұмыстардың жалпы жобасымен таныстырды. Нәтижесінде 1 жыл ішінде мектеп балаларының саны көбеюіне байланысты әкімшіліктен жаңа орындар сұратылған. Жыл басталғалы халықтың жәй күйі тексеріліп, отбасыларға көмек көрсетілген. Есеп нәтижесі қорытындыланып, алдағы жоспар ұсынылды.
Ел ағалары бүгінде жастарға баса назар аудару керек екенін назарға алды. Айта кетейік, семинар барысында балалардың спортқа деген қызығушылықтарын арттыру үшін Еңбекші ауданынан шыққан спорт шеберімен кездесу ұйымдастыру көзделіп отыр. Тұрғындарды салауатты өмір салтын ұстануға шақыра отырып арнайы ұсыныстар айтылды. Қоғам тәртібіне сай ардагерлер қажеттіліктерін өтеу, қартына қамқор болған қазақ халқының салтын жоғалтып алмау мақсат етілді.