«ДАЛА КҮНІ» СЕМИНАРЫ: КЛАСТЕРЛІК ЖОБАЛАРДЫ ДАМЫТУ БАСТЫ МАҚСАТ

Шымкент қаласы ауыл шаруашылығы басқармасының ұйымдастыруымен «Дала күні» іс-шарасы өтті. Семинардың мақсаты – үй іргелік бос жатқан жерлерді тиімді пайдалану нәтижесінде агро өнімдердің көлемін ұлғайту, халықтың көкөніске деген қажеттілігін қамтамасыз ету. Бұл тұста жаңа технологияларды қолдану арқылы ұтымды көрсеткішке қол жеткізу де басты мақсат. Мәселен, бір жерден 2-3 рет өнім алу үшін тамшылатып суару мен табиғи тыңайтқыштарды пайдаланудың пайдасы орасан. Оған дәлел ретінде Алтынтөбе тұрғын алабында «Нұр» шаруа қожалығында тәжірибелік сынақ жүргізілген. 1 гектар алқабқа Түркістан жоғары көпсалалы аграрлық колледжі ғалымдары мен мамандарының қатысуымен салатқа қажетті көкөніс дақылдарын отырғызылып, бүгінде ойдағыдай  өнім алып отыр. Сонымен қатар, семинарда егін шаруашылығына қажетті тыңайтқыштар сатумен айналысатын  кәсіпкерлер үшін көрме ұйымдастырылды. 13 компания өз өнімдерін ұсынып, қала әкіміне тыңайтқыштың тиімдігілімен және ерекшелігімен таныстырды.

Айғақ-ақпарат