Құжаты, рәсімдейтін қағазы көп мемлекеттік қызметтерге қол жеткізу жылдамдай бастады. Мәселен, некені тіркеу үшін жас отбасы 1 ай уақыт күткен болса, ендігі 15 күннің ішінде отбасы екенін растайтын куәлікті алады. Сондай-ақ, қайтыс болғандығы туралы куәлік те берілмейді. Жай ғана медициналық ұйымның өмірден өткендігі туралы құжатын енгізгенде қайтыс болу туралы акт жазбасы автоматты түрде тіркеледі. Өзгерістердің ең маңыздысы – ағымдағы жылдың 1-шілдесінен бастап азаматтардың хал-актілерін тіркеу функциясы жергілікті органдардан Азаматтарға арналған үкіметке берілмек.
