Қала аумағында 98 көпқабатты әлеуметтік тұрғын үйдің құрылысы жүргізілуде. Тұран-2, Бозарық, Ақжайық шағын аудандарында салынып жтқан 4090 пәтерге мемлекет тарапынан 100 млрд-қа жуық қаржы бөлінген. 2022 жылы 33 тұрғын үй пайдалануға тапсырылса, биылғы жылдың соңына дейін 67 үйді өткізу жоспарланып отыр.
Басқарма тарапынан салынып жатқан тұрғын үйлердің сапасына бақылау қатаң. Құрылысы аяқталған пәтерлерде мердігер компанияның есебінен 5 жылға дейін кепілдік бар. Сондай-ақ, Әкімшілік — іскерлік орталығында жақын күндері қоныс тойдың да ауылы алыс емес.
Бозарық мөлтек ауданында да жаңа үйлер салынуда. 5 қабаттан тұратын пәтерлерге жауапты — «Отау» құрылыс компаниясы. Наурыз айында басталған құрылыс қазан айына дейін аяқталып, мемлекетке тапсырылуы тиіс. Екі үйге бөлінген қаражат — 1,5 млрд теңгені құрайды.
Бұдан өзге, жұмыс істейтін жастар үшін 900 пәтер, халықтың әлеуметтік осал топтары үшін 505 пәтерді нарықтан сатып алу жоспарлануда. Құрылыс басқармасы салынып жатқан пәтерлердің құны аумағына, орналасқан ауданы мен құрылыс материалына тікелей байланысты екенін мәлімдеді. Бұл үйлерге мемлекеттік байқауға қатысып немесе банктік жүе арқылы қол жеткізуге болады
