РЕСПУБЛИКАЛЫҚ ТАМЫЗ ФОРУМЫНЫҢ СЕКЦИЯСЫ ӨТУДЕ

   Шымкентте білім беру көшбасшыларының республикалық тамыз форумы шеңберінде секция өтуде. Оған еліміздің түкпір-түкпірінен 200-ден астам педагогтар қатысуда. Шарада өткен оқу жылында жүргізілген жұмыс нәтижелері бағаланып, анықталған мәселелер талқыланады.

    Тамыз кеңесінің секциясын өткізуді ұйымдастырушылар- ҚР Оқу ағарту министрлігінің республикалық қосымша білім беру оқу-әдістемелік орталығы. Еліміз бойынша бұл жиынның маңызы зор. Себебі ұстаз үшін тәжірибе алмасу, деңгейді көтерудің басты тетігі. Секцияның мақсаты-қосымша білім беру саласындағы республиканың ресурстарын өзектендіру, кәсіби коммуникация және мүдделі мамандардың тәжірибие алмасуы үшін алаңдар құру болып табылады. Бұл шараға қосымша білім беру ұйымдарының өкілдері ғана емес, сонымен қатар жақын және алыс шетелдерден Ресей федерациясы және Беларусь республикасынан да мамандар келіп қатысуда.

   Секция педагогтердің арасындағы қарым қатынасты нығайтуға арналған бірегей алаң. Бұл кәсіби байланыстар желісін арттыруға мүмкіндік береді. Сондай-ақ болашақта бірлескен жобалар үшін пікірлестіктер табудың негізгі қадамы. Екі күн ішінде өткізілетін шара аясында кәсіби қоғамдастық балаларға қосымша білім беруге байланысты өзекті мәселелерді талқылайды. Шараға қатысушы спикерлер оқушылардың пікірсайыс қозғалысын, өзін-өзі басқаруға бағытталған республикалық жобаларды іске асыруға назар аударады. Технологиялық білім берудің, туристік-өлкетану, экологиялық-биологиялық қызметтегі инновациялардың жаңа форматтарын ұсынады.