Әлеуметтің әлеуетін көтеру, бұқараны жұмыспен қамту мақсатында елімізде көптеген бағдарлама қабылданып жатыр. Жалпы, жыл басынан бері Ұлттық жоба шеңберінде 7 мыңнан астам шымкенттіктер жұмыспен қамту шараларына қатысқан. Екі қолға бір күрек тапқандар қазір сан-саланы түлетуге күш салып жүр. Бірінші жарты жылдықта атқарылған жұмыстар бойынша жұмыспен қамту және әлеуметтік қорғау басқармасының басшысы Балмаржан Нарбекова есеп берді.
Басқарма басшысы Балмаржан Нарбекованың айтуынша, 2021-2025 жылдарға арналған даму жоспарына сәйкес, биыл 57 мыңнан астам адамға жұмыспен қамту шараларын көрсету жоспарлануда. Оның 35 276 орны– тұрақты, 18 128 орны – уақытша жұмыс орындары. Бүгінг күнге, яғни 6 айда 30 481 адам жұмыспен қамту шараларына қатысып отыр, яғни жоспар 52,8% орындалған. Мұның өзі жұмыссыздарды тұрақты жұмыспен қамтамасыз ететін бірден-бір мүмкіндік. Жалпы, Шымкент қаласы республикалық көрсеткіштер бойынша азаматтарды жұмыспен қамту шараларына қатыстыру бағытында алдыңғы қатарында. Атап айтқанда, әлеуметтік жұмыс орындарына 90 адамды жолдау жоспарланса, бүгінде 123 азамат жұмыспен қамтылды. Сондай-ақ, «Алғашқы жұмыс орны» жобасына 227 адам жолданса, жоспарланса, қоғамдық бойынша 2177 адам жұмысқа орналасқан.
