Үкіметтің 20 наурыздағы №148 қаулысына сәйкес шымкенттік балаларға «Дені сау бала» бағытында түрлі қызметтер көрсетілуде. «Арман жолы» бөлімінде 2021 жылдың 1-ші жартысында 2908 бала оңалту қызметтерін алса, биыл көрсеткіш 29,7%-ға жоғарылаған. Сондай-ақ, «Ерте анықтау — табыс кепілі» бағытында №6 қалалық емхана бойынша 16946 бала тексерістен өткен. Кезекті қабылдау барысында ақ халатты абзал жандардың тәжірибелі қызметіне ата-аналар да дән риза.
Қазіргі таңда 64899 халқы бар аталған нысанда барша науқастарға жағдай жасалған. Аутизмге шалдыққан балаларға дамыту мақсатында ойын-алаңшалары жасалса, қабылдауда кезек күткен балалардың көңілін аулайтын бөлімдер бар. Сондай-ақ, білікті мамандардың арқасында мүмкіндігі шектеулі балаларды оңалту емі мен скринингтік тексерістен де өтуге мүмкіндік бар.
