Биылдан бастап талапкерлер грант конкурсына қатысу үшін Ұлттық тестілеу сынағын 2 рет тапсыра алады. Бұл туралы Шымкент қаласы білім басқармасының бөлім басшысы Гүлнара Дәрібаева баспасөз отырысында арнайы мәлімдеді.
Шымкент қаласы бойынша биыл 11-сыныпта 1189 оқушы білім алған. Оның 7000-ға жуығы ҰБТ-ға қатысуға өтінім беріп үлгерген. Аталмыш өтінім test.centerkz сайты арқылы талапкердің қатысуымен жүзеге асады. ҰБТ сынағы таңғы сағат 10:00 де басталып 4 сағат бойы жалғасады. Сондай-ақ оқушыларға сынақтың басында 2 минут, орта уақыттарда 15 минут, соңғы уақыттарда 3 минуттық үзіліс беріледі. Сынақ аяқталған соң тағы 30 минутты талапкер аппеляциясына жұмсай алады. Ал ҰБТ-да қандай да заңбұзушылықтар орын алатын болса, ол оқушы сынақтан бір жолада шеттетіледі. Мәселен, талапкер ҰБТ-дің бірінші мүмкіндігінде ережелерді бұзса ол күнгі жауаптары жойылып, екінші мүмкіндігінен айырылады. Ал егер керісінше екінші мүмкіндігінде ережелерді бұзса, алғашқы тапсырған жауап парағы жойылады. Сынақ тапсырушыларға ескертетін жайт: 1 оқушыға 2 бақылау камерасы және 1 компьютер қарастырылып отыр. Сонымен ҰБТ барысы видеокамералар арқылы министрліктің бақылауында болмақ!
