Шымкентте «Ақылды қала» бағдарламасы аясында жарықтандыру жүйесі автоматты режимге көшті. Энергетика және цифрландыру басқармаларының бірлесуімен жаңа диспетчерлік орталық өз жұмысын бастады. Нәтижесінде қаладағы көше шамдары уақтылы қосылып, өз кезегінде сөніп отырады. Бұл қызмет автоматты құрылғылар арқылы жүзеге асырылады екен. Мәселен, қаладағы 4 ауданға қарасты көшелердегі электр қуаты туралы ақпараттар сигнал арқылы аталмыш орталыққа хабарланады. Нәтижесінде мекеме қызметкерлері, түнгі уақытта шамдарды жөнге келтіріп үлгереді. Айта кетейік қазіргі таңда диспетчерлік орталыққа 40-қа жуық көше қосылды, алдағы уақытта бұл есеп 100 көшеге дейін артуы жоспарланып отыр. Сала мамандарының айтуынша алдағы уақытта іске қосылып тұрған шамдардың киловаттары, көлік қозғалысының баяулауына сәйкес азая түседі. Бұл шешім қаладағы жарық энергиясының үнемделуіне өзіндік үлесін қосады екен.
СЫБАЙЛАС ЖЕМҚОРЛЫҚҚА ҚАРСЫ МАҢЫЗДЫ КЕЗДЕСУ ӨТТІ
Шымкент қаласының Полиция департаментінде «Ұрпақтар сабақтастығы: Сыбайлас жемқорлыққа қарсы іс-қимыл – әрбір буын міндеті» тақырыбында кездесу өтті. Жиынға ардагерлер, құқық...
