33 ЖАСЫНДА 8 БАЛАНЫҢ АНАСЫ АТАНДЫ

 Шымкентте  33 жастағы азаматша 8 баланың анасы атанды. Гүлмира Юсупова 25-сәуір  күні 35 апталық кезінде күміс қасықтай екі қыз бен алтын асықтай бір ұлды дүниеге әкелді. Күні кеше ақ қалатты абзал жандар Батыр ананы қалалық перинаталдық орталықтан сән-салтанатымен үйіне шығарды.  Гүлмира Юсупова 33 жасында батыр  ана атанды. Сәуір айының 25 күні  қалалық перинаталдық орталығында үшемді дүниеге әкелді. Сәбилердің салмақтары 2000-2470 грамм, ал бойлары 40-42 см құрайды.  Қазіргі таңда ана мен баланың жағдайы қалыпты. Балаларға Айсұлтан, Алия және София есімдерін берген. Шымкент қаласының перинаталдық орталығында 11 жыл ішінде 27 үшем дүниеге келген.

 Бұл үшем биыл дүниеге келген екінші үшем. Айта кетейік, жыл басынан бері қалада 10649 сәби дүние есігін ашқан. Оның  5165 қыз баласы болса,  5484 ұл бала. Мекеме  мамандарының айтуынша, ананың босануы кесір тілігі арқылы істелінген. Сол себептен де орталықта 1 айға жуық ем қабылдаған.

 Қуанышты сәтке батыр ананың туған туыстары да арнайы келді. Ақ жаулықты әже шөбересін қолына алып, ақ батасын беріп, шашу шашты.  Қарияның сөзіне құлақ түрсек, әженің өзі 9 баланы дүниеге әкелген. Енді бұл өнегелі жолды немере келіні жалғауда.