КӨГАЛДАНДЫРУ ЖҰМЫСТАРЫ ҚАРҚЫНДЫ

 Мегаполисте көгалдандыру жұмыстары қарқынды! Биылдан бастап қала аумағын абаттандыруды қолға алған «BUILD STROІ» ЖШС Шымкент қаласының экологиясын заманауи стандартқа сай озық технологиялармен көркейтіп келеді. Оған қоса аталмыш мекеме тазалықты сақтауда тынымсыз тірлік атқаратын сала мамандарының жалақысын 135 мың теңгеге дейін көтеріп отыр.

«BUILD STROІ» ЖШС 2002 жылы іске қосылған. Бұл мегаполистегі мамандандырылған қала аумағын абаттандыру компаниясы болып табылады. Қазіргі таңда 1000-ға жуық қала тұрғынын тұрақты жұмыспен қамтып отырған мекеменің жалпы аумағы 2,5 гектарды құрайды. Техника саны 160. Онда қажетті техникалардың түр-түрі жетіп артылады. Шаһардың шырайын келтіріп, тазалық тәмсілін берік ұстанған мамандар таңғы сағат сегіз болмай өз жұмыстарына кіріседі.  Қала аумағында орналасқан 39 сквер, 8 саябақты күтіп ұстау және абаттандыру жұмыстары «BUILD STROІ» ЖШС құзырында. Бұл жұмысты ағымдағы жылдың 18 сәуірінен бастаған. Білікті де тәжірибелі мамандардың іскерлігінің нәтижесінде қала аумағы көркейіп келеді.

Төрт баланың анасы Замира Байтілеуова өз ісіне асқан ұқыптылықпен қарайды. Себебі, мегаполистегі саябақтардың таза әрі жасыл болуы мекеме қызметкерлері үшін өте маңызды. «BUILD STROІ»ЖШС-не жұмысқа келгелі жағдайымыз оңалып, жалақымыз жоғарылағанына қуаныштымыз дейді.

 Қала аумағын абаттандыруды енді бастаса да аз уақыт ішінде өз жұмыстарын көрсете білді. Жанына сая іздеген жандар мамандардың еңбегіне дән риза.
Аталмыш компания Шымкент қаласын көркейту үшін бар жағдайды жасауда. Тіпті, шаһарда табиғи нысандарды суғарудың 70 % қазіргі таңда жер асты құбырлары арқылы жүзеге асырылуда. Сонымен қатар, абаттандыру компаниясының алға қойған басты мақсаттарының бірі суару мәселесін оңтайландыру. Яғни, суды үнемдеу үшін цифрландыру жүйесін енгізбек.

Қазіргі таңда, 1000-ға жуық мекеме қызметкерлері үшін тегін медициналық көмек алуына медициналық сақтандыру және жалпы сақтандыру жүйесі іске қосылған.

Айғақ-ақпарат