Түркістан қаласына іргелес орналасқан Ынтымақ елді мекені маңында заңсыз жолаушылар тасымалына қарсы рейдтік іс-шара өткізілді.
Түркістан облысының жолаушылар көлігі және автомобиль жолдары басқармасы ұйымдастырған бірлескен рейдке ҚР Сыбайлас жемқорлыққа қарсы іс-қимыл агенттігінің Түркістан облысы бойынша департаменті, облыстық полиция департаменті, Түркістан облысы бойынша мемлекеттік кірістер департаменті және көліктік бақылау инспекциясының қызметкерлері қатысты. Нәтижесінде, заңсыз тасымалдаумен айналысқан қоғамдық көліктер анықталып, заң аясында жүргізушілерге шара көрілді. Жалпы Қазақстан Республикасының «Әкімшілік құқық бұзушылық туралы кодексіне» сәйкес 4 әкімшілік хаттама толтырылды. Мұндай рейдтік іс-шаралар алдағы уақытта тұрақты түрде жалғасатын болады.
