Сайрам ауданында «Парасат» пікірталас клубының үшінші отырысы өтті

Сайрам ауданында «Парасат» пікірталас клубының үшінші отырысы өтті. «Nur Otan» партиясы Сайрам аудандық филиалы жанынан құрылған «Парасат» клубының ашық алаңында клуб мүшелері бас қосты.
Мемлекет басшысы Қасым-Жомарт Кемелұлы Тоқаевтың «Халық үніне құлақ асатын мемлекет» тұжырымдамасын іске асыру, аудан аумағында қордаланған өзекті мәселелерді бірге талқылап, шешу жолдарын қарастыруда азаматтық қоғамды белсенді қатыстыру, пікірталас мәдениетін қалыптастыру мақсатында 2021 жылы алғаш рет жиналған топтың бұл үшінші бас қосуы.
Азаматтық қоғам институттарын дамытуға арналған бұл жиынның бүгінгі күн тәртібінде үш мәселе қаралады:
1. Әлеуметтік аз қамтылған отбасыларды қолдау шаралары туралы;
2. Сыбайлас жемқорлықтың алдын алу мәселесі;
3. Жастар арасындағы суицид пен ерте жүктілік мәселесі.

1. «Еңбек» мемлекеттік бағдарламасы аясында ағымдағы жылдың 2 айында Сайрам ауданында жұмыспен қамту орталығы арқылы 1310 адам жұмыспен қамтудың белсенді шараларына қатысқан. Оның ішінде:
593 азамат — тұрақты жұмыс орындарымен қамтылса, 165 азамат әлеуметтік жұмыс орындарына жолданған.
Ал 127 азамат — жастар практикасына жолданып,
420 азамат — ақылы қоғамдық жұмысқа тартылып отыр.2. «Adal kómek» жобасы аясында бүгінгі күнге дейін аудандық 13 бөлім басшысы мен 11 ауылдық округ әкімдері «Facebook» әлеуметтік желісінде тікелей эфирге шығып карантин кезінде өз салаларына қатысты тың ақпараттар ұсынып, тікелей эфир барысында тұрғындар тарапынан қойылған 250-ге жуық сұрақтарға жауап берілген. «ANTIKOR.LIVE» жобасы аясында аудандағы мемлекеттік мекеме, дербес бөлім басшылары, ауылдық округ әкімдері өз мекемелерінде сыбайлас жемқорлықтың алдын-алу бағытында атқарып жатқан жұмыстар барысы туралы Facebook әлеуметтік желісіндегі ресми парақшалары арқылы тоқсанына бір реттен шығып ақпарат берген.