КЕЛЕС: Есбаевтың есепті кездесуі басталды

Келес ауданының әкімі Ақментай Есбаев бұл күні Ошақты ауылының тұрғындарына онлайн жүйе арқылы есеп берді. Жылдық жұмыстарды қорытындылаған есепті жиында аудан басшысы аймақтың әлеуметтік-экономикалық дамуы мен алдағы міндеттерді саралады. Карантиндік шектеулерге байланысты есеп беру қашықтықтан және ауыл билері мен ақсақалдарының қатысуымен өткізілді.
Ақментай Есбаев есепті баяндамасында білім беру, денсаулық сақтау саласы, инвестициялық жобаларды іске асыру бағытындағы жұмыстарға кеңінен тоқталды. Айтуынша өткен жылы ауданда өндірілген жалпы өнім көлемі 74,4 млрд. теңгені құрап, өткен жылмен салыстырғанда 13,6 млрд. теңгеге немесе 122,4%-ға артқан. Оның ішінде, ауылшаруашылығы саласының үлесі 67,7% құрап отыр. Өндірілген аумақтық жалпы өнім көлемін жан басына шаққанда 518,1 мың теңгені құрады.
«Индустриалды инновациялық даму» мемлекеттік бағдарламасы шеңберінде, кәсіпкерлікті қолдау картасына жалпы құны 998,4 млн. теңгені құрайтын 2 жоба 2020 жылы іске қосылған болса, 1 жоба 2021 жылға өтпелі.
Инвестиция. Ауданға барлығы 12,6 млрд. теңге инвестиция тартылып, өткен жылмен салыстырғанда 4,2 млрд. теңгеге немесе 153,4%-ға өскен. Оның ішінде Республикалық бюджет есебінен 3,7 млрд. теңге, жергілікті бюджет есебінен 2,6 млрд. теңге, меншік қаражат есебінен 6,1 млрд. теңге, банкттердің кредиттері 0,1 млрд. теңге және басқа да қарыз қаражат есебінен 0,1 млрд. теңгені құраған.
Аудан тұрғындарының басты тіршілік көзі – ауыл шаруашылығы саласына мемлекет тарапынан қолдау көрсетіліп келеді. Шаруалармен дихандарымыздың тындырымды еңбектерінің арқасында 2020 жылы 50,4 млрд. теңгенің өнімдері өндірілді.
Ауыл шаруашылығы саласына 2,1 млрд. теңгенің инвестициясы тартылып, өткен жылмен салыстырғанда аталған салаға тартылған инвестиция көлемі 426,7%-ға артты. Егін шаруашылығы бойынша егіс көлемі 24,3 мың гектарға кеңейтіліп, 800 гектарға артты (2019 жылы – 23,5 га).
Көкөніс, картоп және бақша дақылдарынан жалпы 355,4 мың тон өнім өндірілген болса, 18,4 МЫҢ ТОННА АСТЫҚ ӨНІМІ ӨНДІРІЛДІ. 352 ГА ТАМШЫЛАТЫП СУАРУ ӘДІСІ ЕНГІЗІЛГЕН БОЛСА, 638 ГА ҚАРҚЫНДЫ БАУДАН 3,9 МЫҢ ТН ЖЕМІС ЖИДЕК ӨНІМДЕРІ ЖИНАЛДЫ.
Жылыжайлар 1 айналымнан 5,9 мың тонна өнім өндірілді (Оның ішінде қияр – 4,4 мың.тн, қызанақ – 1,4 мың.тн және т.б). Жылыжай көлемі 86,2 га жетіп, игерілгені 62,5 га.
Күзгі және көктемгі дала жұмыстарын жүргізуге Үкімет тарапынан жеңілдетілген бағада бөлінген 2145 тонна жанар — жағармай тасымалданды.
Жиын барысында ауыл тұрғындары тарапынан айтылған ұсыныс пікірлер назарға алынса, ауыл тұрғындары әкімінің берген есебіне қанағаттанарлық деген баға берді.

aigak.kz