Екпе егу ерікті түрде жүргізіледі

Жалпы Санитариялық-эпидемиологиялық бақылау департаменті санитарлық нормалардың сақталуын қадағалайтын мемлекеттік орган болып табылады. Өткен жылдың наурыз айынан бері қызметі айрықша айқындалған сала мамандары үшін эпидемиологиялық ахуалды назарда ұстау оңайға түскен жоқ. Әлемдік індеттің таралуын алдын алуы бағытында жасалған жұмаыстар жариялы, жариясыз үздіксіз жүзеге асырылып жатқандығын айтуымыз керек. Елімізде екпе егу ерікті түрде жүргізіледі. ҚР-ның «Адамдар денсаулығы және денсаулық сақтау жүйесі туралы» Кодексінің 77-бабына сәйкес кез келген медициналық процедура, оның ішінде вакцинация азаматтардың келісімімен ғана жүзеге асады. Ол үшін әкімшілік немесе қылмыстық жауапкершілікке тартылмайды.Коронавируспен ауырғандарға 6 айдан кейін ғана екпе салынады. 1-ші ақпаннан бастап Ресейде шығарылған «Гам-КОВИД-ВАК» вакцинасы салынады.Аталған вакцина Ресей федерациясының мемлекеттік тіркеуінен өткен. Көрші елдің айтуы бойынша бұл вакцинаны сатып алуға әлемнің 50-ге жуық мемлекеті өтініш білдірген. Ал, Қазақстанда өндірілген QazCovid-In вакцинасы қазір клиникалық сынақтың 3-ші кезеңінен өтуде. Бұл препаратты осы жылдың 2-ші тоқсанынан бастап қолданысқа енгіземіз деп жоспарлап отыр.
Вакцинациялау кезең-кезеңмен жүргізіледі. Ол үшін әрбір азматқа электрондық паспорт ашылады. Онда – азамат туралы, алған вакцинасы, егу кезеңдері, екпе салдырғаннан кейінгі бақылау жұмыстары жөнінде ақпарат беріледі.

Айғақ — ақпарат