Вирус жұқтырғандар саны күрт өсті

Шымкентте 2 апта ішінде 214 адам вирус жұқтырып үлгерген. Жұқпалы індеттің көбеюі тұрғындарды алаңдатып отыр. Бұл туралы мәлімдеген Шымкент қаласы Денсаулық сақтау басқармасының басшысы Бақытжан Жолдасбекұлы тұрғындарға бетперде тағуды қатаң ескертті. Ендігі мәселе, науқастармен байланысқа түскен 900-дей азаматтың сақтық шараларын сақтауы.

Жалпы жыл басынан бері 214 адам жұқпалы індетпен ауырып, оның 145-і емделіп шықса,  2 тұрғын қайтыс болды.  Ал өткен тәулікте 19 азаматтан коронавирус анықталды. COVID-19 індетін жұқтырғандар санының күрт өсуін басқарма басшысы қауіпті деп танып отыр. Сондықтан қала тұрғындары өз денсаулықтары үшін сақтық шараларын күшейтіп, бетперде тағуды ұмытпағаны жөн.

Қазір Шымкент қаласының инфекциялық ауруханаларында 69 адам коронавирустан, 41 азамат пневмониядан емделіп жатыр. Бүгінгі таңда, төсек орнының жетіспеушілігі жоқ.

Желтоқсан айының соңында  жаңа жыл мейрамын өздігінше атап өткендер болды. Адамдар  көптеп бас қосып, елімізде жарияланған карантин шектеулерін ескерусіз қалдырып жатты. Соның салдарынан жұқпалы індетті кенедей жабыстырып алғандардың саны өсті. Осылай деген басқарма басшысы Бақытжан Позилов, әлі де тұрғындарға босаңсуға болмайтынын жеткізді.