Түркістан облысының Бас мемлекеттік санитариялық дәрігерінің 14.08.2020 ж. «Түркістан облысында карантиндік шектеу шараларын ұзарту туралы №33 қаулысына өзгерістер мен толықтырулар енгізілді
ҚАУЛЫ ЕТЕМІН:
1. Түркістан облысының Бас мемлекеттік санитариялық дәрігерінің 14.08.2020 ж. №33 «Түркістан облысында карантиндік шектеу шараларын ұзарту туралы» қаулысына мынадай өзгерістер мен толықтырулар енгізілсін:
1) 2-бөлімнің 3-тармағы мынадай редакцияда жазылсын:
— қалалық, қоғамдық жағажайлардың, аквапарктердің қызметіне тыйым салу.
2) 2-бөлімнің 4-тармағы алынып тасталсын;
3) 2-бөлімнің 8-тармағындағы «автомобиль» деген сөз алынып тасталсын;
3) 2-бөлімнің 9-тармағы алынып тасталсын;
4) 2-бөлімнің 13-тармағы алынып тасталсын;
5) 3-бөлім келесі мазмұндағы 29), 30), 31), 32), 33), 34), 35), 36), 37), 38), 39), 40) тармақтармен толықтырылсын:
29) бассейндердің қызметіне жеке форматта, 1 келушіге 5 ш. м. су айнасы есебінен, алдын ала жазылу бойынша (жазылу журналын жүргізумен, жазылу журналын нөмірлеу және тігу) жұмыс күндері (дүйсенбі-жұма) сағат 10.00-ден 18.00-ге дейін рұқсат етілсін, демалыс (сенбі-жексенбі) және мереке күндері жұмысы тоқтатылсын;
30) мәдениет объектілерінің, кітапханалардың, мұражайлардың қызметіне рұқсат берілсін (30 адамнан аспайтын жеке, топтық репетициялар);
31) демалыс (сенбі-жексенбі) және мереке күндері жұмысты тоқтата тұрумен, белгіленген талаптар сақталған жағдайда және ұжымдық іс-шараларды өткізбей діни объектілердің (мешіттер, шіркеулер, соборлар, синагогалар және т. б.) қызметіне рұқсат етілсін;
32) облысішілік қалааралық және ауданаралық жолаушылар тасымалдарына (автобус, шағын автобус) рұқсат етілсін;
33) жаттығу залдарының қызметіне (1 келушіге 5 ш. м. — ге дейін, алдын ала жазылу бойынша, жазылу журналын жүргізумен, жазылу журналын нөмірлеу және тігу) жұмыс күндері (дүйсенбі-жұма) сағат 10.00-ден 18.00-ге дейін рұқсат етілсін, демалыс (сенбі-жексенбі) және мереке күндері жұмысы тоқтатылсын;
34) спорт кешендерінің қызметіне (жеке және топтық жаттығулар үшін 5 адамнан аспайтын) жұмыс күндері (дүйсенбі-жұма) сағат 10.00-ден 18.00-ге дейін рұқсат етілсін, демалыс (сенбі-жексенбі) және мереке күндері жұмысы тоқтатылсын;
35) ерекше қорғалатын табиғи аумақтардың: мемлекеттік ұлттық табиғи парктердің, қорықтардың, резерваттардың және өзгелердің (жеке және ұйымдасқан топтар үшін 15 адамнан аспайтын, кемінде 2 метр әлеуметтік қашықтықты сақтай отырып, маскалық режимін сақтаумен) қызметіне рұқсат етілсін;
36) контингенті 5-тен 180 адамға дейінгі, сыныптардағы балалар саны 15 адамға дейінгі мектептердің; мектепалды, 1-4 сыныптардың білім алушылары үшін ата-аналарының өтініші бойынша сыныптардың жиынтығы 15 баладан аспаған жағдайда білім беру ұйымдарындағы кезекші сыныптардың жұмыс істеуіне рұқсат етілсін;
37) алгоритмді сақтай отырып, кеңестерді (отырыстарды) көзбе-көз өткізуге рұқсат етілсін (оларды қашықтықтан өткізу мүмкіндігі болмаған кезде);
38) ерекше білім беруді қажет ететін балаларға арналған (оның ішінде ата-анасының қамқорлығынсыз қалған балаларға арналған) арнайы, мамандандырылған ұйымдардың, арнайы мектеп-интернаттардың, жалпы типтегі мектеп-интернаттардың, дарынды балаларға арналған мектеп-интернаттардың қызметіне рұқсат етілсін;
39) автомобиль базарларының қызметіне рұқсат етілсін (санитарлық-дезинфекциялық режимді күшейте отырып, аптасына 1 күн, сәрсенбі күні);
40) Өңірдегі эпидемиологиялық жағдайды ескере отырып ««Балдаурен» Республикалық оқу-сауықтыру орталығы» РМКК қызметіне рұқсат етілсін.
2. 7-бөлімнің 1-тармағы келесі редакцияда жазылсын:
— облыс аумағында жұмыс істеуге рұқсат етілген объектілер қызметін Қазақстан Республикасының Бас мемлекеттік санитарлық дәрігерінің 2020 жылғы 14 тамыздағы №47 «Қазақстан Республикасының Бас мемлекеттік санитарлық дәрігерінің 2020 жылғы 26 маусымдағы №43 қаулысына өзгерістер мен толықтырулар енгізу туралы» және 2020 жылғы 28 тамыздағы №50 «Қазақстан Республикасының Бас мемлекеттік санитарлық дәрігерінің қаулыларына өзгерістер мен толықтырулар енгізу туралы» қаулыларымен бекітілген алгоритмдерге сәйкес жүзеге асырсын.
3. Қаулы меншік нысанына қарамастан барлық жеке және заңды тұлғалардың орындауы міндетті.
4. Осы қаулы бұқаралық ақпарат құралдарында жариялансын, барлық мүдделі ведомстволар мен ұйымдардың назарына жеткізілсін, әлеуметтік желілерде таратылсын.
5. Осы қаулының орындалуын бақылауды өзіме қалдырамын.
6. Осы қаулы қол қойылған күнінен бастап күшіне енеді.
