2008-2012 жылдары Шымкент қаласының әкімі лауазымын атқарған Арман Жетпісбай араға 8 жыл салып, рухани астанаға оралды. Яғни, ҚР Президенті әкімшілігінің келісімімен ол Түркістан облысының әкімі Өмірзақ Шөкеевтің бірінші орынбасары болып тағайындалды.
Айта кетейік, Арман Шәріпбайұлы 1971 жылы туған, білімі жоғары, инженер-құрылысшы, экономист.
1992 жылдан бастап 1999 жылғы шілдеге дейін түрлі коммерциялық құрылымдарда жұмыс атқарған. Еңбек жолы 1999 жылы «Қазкоммерцбанк» АҚ-ның Шымкент қаласының филиалы директорының орынбасары лауазымынан басталған.
1999 жылдың шілдесінен 2000 жылдың сәуірі аралығы «Қазкоммерцбанк» АҚ-ның Шымкент қаласының филиалы директорының орынбасары.
2002-2003 жылдары «Казкоммерцбанк» АҚ-ның Қызылорда қаласы филиалының директоры, «Қазкоммерцбанк» АҚ басқармасы төрағасының бірінші орынбасары қызметтерін атқарған.
2003-2005 жылдары «Корпорация ARNA» ААҚ-ның атқарушы директоры, кейін «Корпорация ARNA» ААҚ басқармасының төрағасы болып сайланды.
2005-2006 жылдары «Оңтүстік» арнайы экономикалық аймақ (АЭА) дирекциясы мемлекеттік мекемесінің директоры.
2006-2008 жылдары Түркістан облысы әкімінің орынбасары.
2008- 2012 жылдары Шымкент қаласының әкімі болып еңбек етті.
2012-2018 «ARNA Petroleum» жауапкершілігі шектеулі серіктестігінің байқау кеңесінің төрағасы, «Қазатомөнеркәсіп» акционерлік қоғамының басқарушы директоры, , «Samruk-Kazyna Construction» акционерлік қоғамының басқарма төрағасы болып жұмыс атқарған.
2018 жылдан бүгінге дейін «Samruk-Kazyna Construction» акционерлік қоғамының бас директоры — басқарма төрағасының бірінші орынбасары, «Объектілердің құрылысын жүргізетін компания» корпоративтік қорының бас директоры лауазымдарын атқарып келді.
