Шымкент қаласында карантиндік шаралар күшейтілді. Бұл туралы БАҚ өкілдеріне сұқбат берген Шымкент қаласы әкімінің бірінші орынбасары Ербол Садыр мәлімдеді. Мәлімдеге сәйкес, карантин режимі қатаңдатылды, — деп хабарлайды «Айғақ-Ақпарат» тілшісі.
Үшінші мегаполистегі эпидемиологиялық жағдайдың нашарлауына байланысты қала тұрғындарының өмірі мен денсаулығын қорғау мақсатында бүгіннен бастап базарлардың жұмыс кестесі таңертең сағат 06.00-ден 16.00-ге дейін (азық-түлік, азық-түлік емес, мал, көлік базарлары), сағат 05.00-ден 13.00-ге дейін (көтерме сауда базарлар) шектелді. Жұмыс кестесі 10.00 мен 18.00 арасы болып белгіленді.
Қаладағы барлық сауда нысандары (ойын-сауық орталықтары, сауда орталықтары, сауда үйлері, дүкендер, супермаркеттер, гипермаркеттер, кіші-маркеттер, зоо және гүл сататын дүкендер және т.б.), ал жеке орналасқан азық-түлік супермаркеттері мен дүкендері сағат 21.00-ге дейін жұмыс істесе, әлеуметтік ара-қашықтықты және санитарлық эпидемиологиялық талаптарды қатаң сақтай отырып, қоғамдық тамақтандыру орындарының (кафелер, мейрамханалар және т.б.) жұмыс кестесі сағат 09.00-ден 21.00-ге дейін, ал донер, лаваш орталықтары, құйылатын сусындар мен балмұздақтар және т.б. сағат 10.00-ден 18.00-ге дейін шектеу енгізілді.
Онлайн режімінде көрсетілетін қызметтерді қоспағанда, жұмыспен қамту және халыққа қызмет көрсету орталықтарының жұмыс кестесі таңертең сағат 08.00-ден 12.00-ге дейін жүргізілетін болды. Қоғамдық көліктердің жұмыс кестесі әрі қарай дезинфекциялық шараларды жалғастыра отырып, жұмыс режимі таңертең сағат 07.00-ден 11.00-ге дейін, кешке сағат 17.00-ден 20.00-ге дейін қызмет көрсетеді.
Сенбі-жексенбі күндері Жеке орналасқан азық-түлік супермаркеттері мен дүкендерін (10.00-ден 21.00-ге дейін) қоспағанда, барлық сауда базарлары (азық-түлік, азық-түлік емес, мал, көлік базарлары) сауда нысандары (ойын-сауық орталықтары, сауда орталықтары, сауда үйлері, оның ішінде орналасқан дүкендер, супермаркеттер, гипермаркеттер, кіші-маркеттер, зоо және гүл сататын дүкендер және т.б.) жұмыстары тоқтатылды. Барлық қоғамдық тамақтандыру орындары мен қоғамдық көліктердің жүріп-тұруына да рұқсат жоқ.
Карантин кезеңінде:
-
Мектепке дейінгі (балабақша, түзету орталықтары және т.б.) ұйымдардың жұмысы тоқтатылды;
-
Спорт нысандарының (фитнес-орталықтары, жаттығу залдары, спорт бассейні және кешендері) жұмысы істемейді.
-
Базарлардың санитарлық күні демалыс күнге (сенбі, жексенбі) белгіленді;
-
Қала тұрғындарының көпшілік жиналатын орындарға, оның ішінде жиі жиналатын орындар, жаяу серуендеу орындары (көше), саябақтарға, скверлерге, жағалауға, алаңдарға, балалар және спорттық алаңдарына және туристтік орындарға баруға шектеу қойылды;
-
Қызмет көрсету саласының (автожуу, доңғалақ ауыстыру, май ауыстыру орталықтары, ТҚКС, әсемдік салондар, химиялық тазартқыштар; кір жуу, кілем тазарту, жабдықтарды, киім, аяқ-киім жөндеу орталықтары және т.б.), монша кешендері (сауналар, SPA-салондар, моншалар және т.б.) жұмысы тоқтатылды.
