Дәл осы күні — 79 жыл бұрын, неміс-фашизмі Кеңес әскеріне шабуыл жасады. Келісімді бұзып, асқан дайындықпен тұтқиылдан жасалған шабуылға тойтарыс беруге Қызыл әскер дайын емес еді. Ал, аты шулы “Барбаросса” келісімі жасалды ма? Кеңес үкіметі шын мәнінде соғысты күтпеді ме? Тарих қойнауында қалып, әлі күнге дейін ашылмаған соғыс сауалдары қаншама?!
1941 жылдың 22 маусымы адамзат тарихындағы ең сұрапыл жылдардың басталған кезі. Әрбір азаматтың көкейінде қорқыныш ұялаған күн. Екі елдің арасындағы келісім бұзылып Радиолардан естілген Левитан Борисовичтің дауысы сол жолы қастерлі соғыстың басталғанын хабарлады.
Кеңес әскеріне шабуыл жасар кезінде неміс-фашист армиясында 8 жарым мыңдай адам болды. Сыбайластарымен қоса алғанда Германияның Шығыста 190 дивизиясы 47 260 зеңбірегі мен миномет, 5000 мыңға жуық ұшақ бар болғаны тарих беттерінен белгілі . Ал Кеңес Одағында 1941 жылдың қаңтар айындағы есебі бойынша 4 200 Қарулы күштері бар болатын. Бұл көрсеткіш сол жылдың маусым айында 5 миллион адамға жетті. Ұрыс өнерін білгенде — білмегенде қызыл майданға есепсіз жөнелтілді. Қарудың жетпеуі, тұтқиылдан жасалған шабуыл Кеңес әскерінің алғашқы ұрыстарда жеңілуіне алып келді.
КСРО 1941 -1945 жылдардың ішінде 653 мың ұшақ, 287 мың танк, 1041 зеңбірек жасап шығарды. Қаза тапқан 70 миллион адам адамзаттың соғысқа және оны туғызған империалистік системаға төлеген жан түршігерлік құны болды. Тұтас алғанда Совет одағының шығыны 2 триллион 60 миллион сомдай деп бағаланды. Совет Қарулы Күштері соғыс жылдары немістің 5065 дивизиясын құртып жіберді. Германия СССР-ге қарсы соғыста 11 миллион адамынан айырылды. Ал, Түркістан облысының өзінен 150 мыңнан астам азамат соғысқа аттанған. Олардың арасынан Кеңес Одағының батыры атағын алғандар аз емес.
Бүгінде қанша қадірлесек те майдангердің есінен сол бір қатулы жылдар кетпейтіні сөзсіз. Соғыс салған жарақат тәнінде мәңгі қалмақ. Бейбіт күннің бағасын олардан артық білер жан жоқ, сірә. Елімізден аттанған миллионнан астам жауынгердің әрбірі батыр біз үшін. Ал Жеңіс туы желбіреген 9 мамыр жақсылықтың нышаны болып есте қалары аян.
Ақнұр Қарабай
