Шұғыл ақпарат! Шымкентте демалыс күндеріне жаңа шектеулер енгізілді

Шұғыл ақпарат! Еліміздің бірқатар өңірінде эпидемиологиялық жағдайдың асқынуы мен коронавирус инфекциясын жұқтырғандардың саны өсуде. Осыған байланысты, Шымкент қаласында да 20-21 маусымнан бастап тек демалыс күндері қосымша шектеу шараларын енгізу туралы шешім қабылданды. 6 шілдеге дейін әр сенбі, жексенбіде халықтың көшеге шығуына шектеу қойылды. Бұл туралы Шымкент қаласы әкімінің орынбасары Ербол Садыр брифингте мәлімдеді.

Біріншіден, қоғамдық тамақтану орындары тек далада әрі әлеуметтік арақашықтықты сақтап қана жұмыс істеуі тиіс.  Сондай-ақ, қоғамдық көліктердің қызметі шектеледі. Демалыс орындары, саябақтар мен аквапарктердің жұмыс жасауына рұқсат жоқ. Сонымен қатар, фитнес-орталықтары мен ойын-сауық орталықтарының, сауда үйлерінің, азық-түлік және басқа да базарлардың қызметі тоқтатылады. 65 жастан асқан адамдардың далаға шығуы шектеледі.

Еске сала кетейік, бұл карантиндік шектеулер Нұр-Сұлтан, Алматы, Қарағанды, Шымкент, Павлодар, Екібастұз қалалары бойынша Үкімет тарапынан қатаң қолға алынды.

Салтанат Рүстембек