Шымкент қалалық мәслихатының хатшысы Ғани Ташқараев пен «Атамекен» кәсіпкерлік паласының басшылығы 5 нысанның жұмыс барысымен танысты.
Оңтүстік арнайы экономикалық аймақта орналасқан «АГФ групп» ЖШС бүгіннен бастап өздерінің медициналық бетпердесін өндіруде. 2 түрде шығарылып жатқан масканың құны 100 теңгеге бағалануда.
«ЭкоФарм Интернейшнл» ЖШС — медициналық құралдарды шығарушы зауыт.
Бүгінде коронавирус індетінің алдын алу мақсатында Шымкент қаласындағы бірқатар тігін фабрикаларына бетперде мен залалсыздандырғыш құралдарға тапсырыс беруде. Алайда, мекеме басшысы қаржы мәселесі қиындық тудырып жатқанын да айтты. Себебі, масканың тек тігісінің өзіне 37 млн теңгеден астам қаржы жұмсалыпты.
Келесі аралау барысында, залалсыздандырғыш құралдарын дайындайтын «Тин» ЖШС-нің өндірісімен таныстық. Коронавирустың таралуына жол бермеу мақсатында мемлекет тарапынан аталған кәсіпорындарына көмек көрсетілмек. Бұл жерде де мәселе жоқ емес. Себебі, антисептикке қажетті спирт пен құты жеткіліксіз. Бүгінгі мәселені Шымкент қалалық мәслихатының хатшысы мен «Атамекен» кәсіпкерлік палатасының мүшелері бірлесе ақылдасып, бір жөнге келтіретіндігін айтты.
«Alatex» ЖШС тігін фабрикасында да бүгінде қарқынды жұмыс атқарылуда. Аталған фабрика директоры орынбасарының айтуынша, 1 масканы 8 секунд ішінде жасап шығаруға болады екен. Осылайша, 70 адам жұмыс жасайтын орында күндігіне 100 мың маска өндіруге қауқарлы екенін мәлімдеді.
Бүгінде нанның бағасы бұрынғымен салыстырғанда 10 теңгеге өсті. Бұған коронавирустың Қазақстанға келуі ешқандай себеп емес. Өйткені бүгінде бидай мен ұнның бағасы шарықтап тұр. Сондықтан бағаны көтеруге тура келді,- дейді «Атамекен» корпорациясының директоры.
Атқарылып жатқан жұмыстың барысымен танысқан басшылық, жақын арада барлық мәселені ақылдасып шешеміз,- деп уәде етті.
Айғақ-ақпарат
