Құмкент ауыл округіне қарасты, Қызылкөл елді мекенінің тұрғыны Сарыбаев Шегебай Медеубайұлы осы уақытқа дейін жұпыны үйде тұрып келген. Аудан әкімдігі аталған азамат демеуші тауып, 120 шаршы метр тұратын 6 бөлмелі үй алып беруге ұйытқы болды. Сарыбаевтар отбасына демеушілік танытып, қолдау көрсеткен ауданымыздың тумасы, Шымкент қаласында кәсібін дөңгелетіп отырған үлкен жүректі азамат, кәсіпкер Әшірметов Сакен Досыметұлы. Баспаналы болған Сарыбаев Шегебай қаңтар айында зейнетке шыққан. Отбасында 6 жан бар. Ұзақ жылдар совхозда, өндірістік кооперативте жұмыс істеген Сарыбаев Шегебай игі іске ұйтқы болған азаматтарға алғысын айтып, батасын берді. Қызылкөл елді мекенінде орналасқан үйде жарықпен қамтылған, таза ауыз су жүйесі жүргізілген.
Айта кету керек, Түркістан облысы көлемінде іске асып жатқан «Қамқорлық» акциясы аясында, Созақ ауданынан 67 отбасы бекітілген. Оларға қажетті көмектер көрсетіліп келеді. Аудан көлемінде тұрмысы төмен отбасыларға көмек көрсету, тізімдегі отбасыларды үймен қамтамасыз ету алдағы уақытта да жалғасын табады. 
Созақ ауданы әкімінің баспасөз қызметі.
СУ ЖЕЛІЛЕРІ ТОЛЫҚ ЖАҢАРТЫЛАДЫ
Шымкент қаласында инженерлік инфрақұрылымды жаңарту жұмыстары қарқын алып келеді. Қала әкімдігінің «Су құбыры және канализация басқармасы» мекемесі инвестициялық бағдарлама аясында...
