Бектас Бекназаров: «Біз Шымкентпен мақтанамыз»

Оңтүстік аймағына Парламенттегі депутаттар қуана келеді. Қуанбасқа амал жоқ. Біріншіден Нұрсұлтан қаласының суығынан шаршағандар шырайлы мекеннен жылулық іздейді. Екіншіден қонақжайлық, сый, құрмет  кімге болсада жағады ғой. Қазақ халқының бойында бар жомарттықты Шымкенттен көрем деген Сенат Төрағасының орынбасары Бектас Бекназаров «Айғақ» телеарнасына сұхбат берді.

Бұл Шымкент қаласындағы ең күрделі мәселесі бар Бадам тұрғын алабы. 195 орам деп айтылатын аймақ Әл-Фараби ауданына тиесілі. Инфрақұрылымы толық шешілмеген мекенге Парламенттегі Сенат депутаттары барды. ТМД-ның мәдени астанасы болған аймақтың шеткі елді мекендері шындығында қандай болып жатқанын көру үшін. Жергілікті әкімнің ұсынысына құлақ түрген халық халаулылары атаулы әлеуметтік көмек туралы да ақпарат сұрады.

Қазір депутаттар барлық өңірде жүр. Естіген, көрген мәселелерін Үкіметке жеткізу үшін. Жамбыл облысына қарасты Жуалы ауданының тумасы Бектас Бекназаров мегаполистің шеткі аймағында тұрып, журналистердің тарапынан қойылған сұраққа еркін жауап берді.

Мамандығы заңгер, Парламент Сенаты Төрағасының орынбасары Бектас Әбдіханұлы Шымкент қаласын ерекше жақсы көреді екен. Халқы да, қаласы да құрметке лайықты аймақ деп мәртебені асырып жіберді.