Үшінші мегаполистегі жұмысшы жастар жыл соңына дейін 1, 2 және 3 бөлмелі пәтерге ие болады. 29 жасқа дейінгі соңғы екі жылда қалада тіркеуде тұратын, осы уақыт ішінде тұрғын үйге меншік иесі болып табылмайтын, ай сайынғы табысы 40 АЕК (101 мың теңге ) кем емес, банктегі жинақ (депозиттік) шоты бар және отбасылы жастар аталған жалдамалы пәтерлер байқауына қатыса алады. Бұл туралы Шымкент қаласының ақпараттық-коммуникациялық орталығында өткен баспасөз жиынында қалалық отбасы, балалар
және жастар істері жөніндегі басқармасының басшысы Ж. Қалтаев мәлімдеді.
— Өтінімдерді 25-29 қараша аралығында қабылдаймыз. Елбасының тапсырмасына сәйкес, жұмысшы жастарды қолдау мақсатында еліміздің үш мегаполисінде 3000 пәтер жыл соңына дейін үлестірілмек. Шымкентте 304 пәтердің құрылысы аяқталуға жақын. 600 пәтер нарықтағы үйлерден сатып алынады. Жалпы, 904 пәтерге 6,5 млрд теңге қаржы бөлінді. Сатып алу құқығынсыз жалға берілетін тұрғынжайлар 2021 жылын қоса алғанда 3 жыл бойы беріледі, — деді Ж.Төлембекұлы
Шымкент қаласы тұрғын үй жане тұрғын үй инспекциясы басқармасы басшысының міндетін атқарушы М.Әбдінұровтың айтуынша, бүгінде үй кезегінде тұрған жастар саны 10 мыңға жуық. Бұл баспаналар сатып алу құқығынсыз 5 жыл мерзімге жалға беріледі. Ай сайынғы пәтерақы 10-12 мың теңге көлемінде.
Жастар жылы аясындағы бағдарламаға қатысу үшін тиісті құжаттар Шымкент қаласы, Республика даңғылы, 12а ғимараттың бірінші қабаттында қабылданады. Байланыс телефондары: 24-24-35.
