Қоғамда әйелдер қауымының рөлі артып, нәзік жандыларға артылар жауапкершілік те көбеюде. Сөзіміздің дәлелі — бүгінгі өткен «Ауыл әйелдерінің форумы». Табиғаты әлсіз демесек, білімі барын биліктен, қолынан іс келетінін кәсіптен кездестіреміз. Орталықтар мен қалада тұратындар үшін мүмкіндік көп. Бүгінгі күні ауыл әйелдерінің де қоғамда белсенді мүшесіне айналуы үшін мемлекет тарапынан көңіл де бөлінуде. Шалғай елді-мекендердегі әйел азаматшалардың күнделікті күйбең тіршіліктен бір сәт бой жазып, кәсібін дөңгелетуі, дамып, жетілуі, рухани кемелденуі үшін елімізде көптеген бағдарламалар жұмыс жүргізуде.
Бұл форумда ауыл әйелдерінің кәсіп бастауы жан жақты сараланды.
Жиында үйдегі тірліктен бөлек, өз алдына іс бастап, оны тиянақты атқарып жүрген қыз-келіншектер де келді. Өзіндік тәжірибелерімен бөлісіп, замандастарына білгенін үйретуге тырысты. Халықты жұмыспен қамту және «Атамекен» кәсіпкерлік палатасы өкілдеріне тараптардан көптеген сұрақтар келді.
