Мемлекеттік көші қон бағдарламасы аясында Түркістан облысы, Ордабасы ауданынан Солтүстік Қазақстан облысына қоныс аударған Қуанышбек Зуай отбасымен бірге жеке кәсібін өркендетіп келеді. Осыдан 3 жыл бұрын Петропавл қаласына көшіп келген ол жұбайы Мөлдір Ізтлеуовамен бірге қытай емдеу орталығын ашқан. Медициналық мекемені дамыту үшін мемлекет тарапынан каржылай көмек те көрсетілген.
Ал, биыл 3 баланың әкесін Бескол ауылынан 4 пәтерлі баспанаға ие болды. Емдеу орталығының иесі алдағы уақытта еміне шипа іздеген адамдарга барлық жағдай карастырылатын емдеу-сауықтыру орталығын ашуды қолга алмақ.
Ескере кетсек, оңтүстіктен солтүстікке қоныс аударғандар үшін облыста барлық жағдай жасалған. Жеке кәсіппен айналысамын деген азаматтарға қажетті жағдай жасалып, жер учаскелері бөлінеді, құрал-жабдықтарды алуға гранттар беріледі деп жергілікті билік уәде беріп отыр. Сондай-ақ, мал басы мен құс алуға 200 айлық есептік көрсеткіш көлеміне дейін субсидиялар қарастырылған және мемлекеттік бағдарлама аясында несиелер де беріледі.
«Айғақ-Ақпарат»
