Журналистика қайраткерлерінің қатары толықты

Қазақ журналистикасының қайраткері атану – кез—келгенге бұйыра бермейтін бақ. Бұған дейін бұл атақты журналистика саласының қара нарлары иеленген. Атап айтқанда «Қазақ журналистикасының қайраткері» атағын алғандардың қатарындааға буын өкілдері Шерхан Мұртаза, Ғаббас Қабышұлы, Нұрлан Оразалин, Көпен Әмірбек, Жұмабай Шаштайұлы, Нұртілеу Иманғалиұлы,  Қазыбек Иса, Дулат Әбіш сынды нар тұлғалар бар. Бұл жылы Түркістанның саңлақтары да қатарға қосылды.

Қоғамдық атақтар және марапаттар жөніндегі Республикалық кеңесінің төрағасы Марат Тоқашбаевтың ұсынымы бойынша Қазақстанның құрметті журналисі, Қазақстан халқы Ассамблеясының мүшесі, Қазақстан журналистика Академиясының Академигі, Түркістан облысы мәслихатының депутаты Дулат Әбіш  «Қазақ журналистикасының қайраткері» құрметті атағын тапсырды.

«Қазақ журналистикасының қайраткері» құрметті атағын иеленгендердің  қатарында Арыс қаласының тумасы, 54 жыл журналистика саласында еңбек еткен Тұрсынбай Қанаев,

Қазақстанның Құрметті журналисі, еліміздегі телеоператорлардың төресі Ағабек Қазанбай,

бүгінде құрметті демалыста жүрсе де «Айғақ» телеарнасы мен газетінде жұмысын жалғастырып жатқан Қазақстан Журналистер одағының мүшесі Шаһаризада Дәнеева, Қазақстан Журналистер одағының мүшесі, «Жалын» журналының Түркістан облысындағы меншікті тілшісі, Қазақстан Жазушылар және Журналистер одағының мүшесі Сабырбек Олжабай,

«Оңтүстік Қазақстан» облыстық газетінің бөлім меңгерушісі Серікқали Жексенбаев

және «Алғабас» аудандық газетінің бас редакторы,

Қазақстан Журналистер одағының мүшесі Абзал Әділбеков те бар.