Бүгін Созақ ауданында күннен электр энергиясын өндіретін жобаның алғашқы қазығы қағылды.
Қуаты 50 МВт өндіретін «Күн электр станциясының құрылысы» жобасын «ЮКСЕС 50» ЖШС қолға алып отыр. Күннен қуат алатын электр энергиясыны жобасының қазығын қағу рәсіміне Созақ ауданы әкімі Салыхан Полатов, «Kazakh Invest» Ұлттық компаниясы АҚ аймақтық директоры Даулетқожа Мамыров, «Risen Energy» компаниясының бас менеджері Чампион Юань қатысып, сөз сөйледі.
«Бүгінде қауіпсіз энергия көздерін дамыту еліміз үшін маңызды міндеттердің бірі. Ол үшін Үкімет тарапынан барлық мүмкіндіктер жасалуда. Осы орайда Созақ ауданында энергетикалық кешенді дамыту үшін үлкен жобаны іске асырғалы отырмыз. Аталған істің құрылыс жұмыстарын жүргізуге 100-ге тарта адам тартылады»- деді аудан әкімі.
