ТҮЛКІБАСТА КӨПБАЛАЛЫ МҰҚТАЖ АНАҒА ТҰРҒЫН ҮЙДІҢ КІЛТІ ТАБЫСТАЛДЫ

«Мейірімділік — адам бойындағы ең ізгі қасиеттердің бірі». Түлкібас ауданынының білім ошақтарының ішіндегі қара шаңырағы саналатын Абай мектеп лицейінің 1999 жылы мектеп бітірген түлектері 4 баланы жалғыз өзі тәрбиелеп отырған анаға аудан орталығы Т.Рысқұлов ауылынан 4 бөлмелі үй алып беріп, қуанышқа бөледі. 

     Баспаналы болған Юсупова Назира Жапарқұлқызы, көп жылдан бері баспанаға қол жеткізе алмай жүргенің айтып, қасиетті Рамазан айында 20 жылдық түлектердің сыйына алғысы шексіз екенің жеткізді. 

     Мичурин совхозында жұмысшы болып қызмет атқарған Назира Жапарқұлқызы сол маңайдағы Таусағыз ауылында жалдамалы пәтерде тұрған. Бүгінгі таңда бала күтімімен үйде отыр. 

      Бұндай игі шара Түлкібас ауданында бірінші рет орын алып отырған жоқ. Былтыр дәл осы Абай мектеп лицейінің 1998 жылы бітірген түлектері 7 баласы бар жалғыз басты анаға аудан орталығынан төрт бөлмелі үй сыйға тартқан болатын. Игі шара 20 жылдық түлектер арасында дәстүрге айналғандай.

Бүгін соңғы қоңырау мерекесі еліміздің түкпір-түкпірінде тойлануда. «Болашақ жастардікі» атты соңғы қоңырау Түлкібас ауданы Абай атындағы мектеп-лицейінде аталып өтті. 82 жылдық тарихы бар қара шаңырақта 984 шәкірт білім алып,соның 51 биыл қанат қаққалы тұр.11 жыл тәлім-тәрбие берген ұстаздарының еңбегі саналатын 51 түлектің жетеуі алтын белгіге үміткер. Айтулы күнде мектеп бітіруші түлектер мен аяулы ұстаздарды Түлкібас ауданының әкімі Нұрбол Тұрашбеков оқу жылының аяқталуымен құттықтады.Сондай-ақ Нұрбол Әбдісаттарұлы түлеп ұшқалы тұрған шәкірттерге Ұлы дала елінің мерейін асыратын азаматтар болуларын тіледі. Балалықпен қоштасып,үлкен өмірге қадам басқалы тұрған шәкірттер оқу ордасында вальс билеп, соңғы қоңырау соқты.