Тәуелсіз Өзбекстанның Тұңғыш Президенті Ислам Кәрімов болып табылады. Өзбек халқының маңдайына біткен дара тұлға Кеңес үкіметінің құрамынан азаттық алып шыққан егемен елге 25 жылдан астам уақыт басшылық етіп, Өзбекстанның қарышты дамы жолында еселі еңбек етті. Жоғары ұйымдастырушылығымен танылып ел экономикасын жоғары денгейге көтере білген көреген көшбасшы Ислам Кәрімов 1938 жылдың 30 қаңтарында тарихы терең Самарқанд қаласында дүниеге келген.
1955 жылы орта мектепті аяқтағаннан кейін Ислам Кәрімов «инженер –механик» мамандығы бойынша Орталық азия политехникалық иниститутына оқуға түседі. Ал белгілі мемлекет қайраткерінің еңбек жолы 1960 жылы «Ташсельмаш» зауытында шебер, инженерліктен басталған.
Ислам Кәрімов ерекше ізденімпаздығы мен қарым қабілетінің арқасында өзбек, тәжік, орыс тілдерін еркін меңгеріп, қосымша экономист мамандығын алған. Нәтижесінде ол Өзбекстанның қаржы министрі ретінде де абыройлы еңбек етті.
1986 жылы Кәрімов Қашқадария облыстық комитетінің бірінші хатшысы болып тағайындалса, артынша үлкен сенімге ие болып 1989 жылы Өзбекстан компартиясының бірінші хатшысы атанды.
Ал Ел Егемендігін алған алмағайып 1990 жылдың 31 тамызында Ислам Абдуғаниұлы Тәуелсіз Өзбекстан Республикасының Тұңғыш Президенті болып сайланады.
Осыдан соң ел еңсесін тіктеу жолында ширек ғасыр бойы бар қажыр қайратын жұмсай білген кемеңгер басшының арқасында Өзбекстан Республикасы дамудың даңғыл жолына түсті. Сондықтан болса керек 2018 жылы өмірден озған мемлекет басшысына деген өзбек ағайындардың құрметі ерекше.
Бүгінде Өзбекстан астанасында елге өлшеусіз еңбегі сіңген қайраткердің фото көрмесі ашылған. Тұңғыш Президент Икрам Абдуғаниұлының зайыбы Татьяна Кәрімованың бастамасымен әрі қолдауымен ашылған мұражайға Өзбекстан лидерінің көптеген фотосуреттері мемлекеттік және Халықаралық деңгейдегі марапаттары қойылған.
Олардың арасында көршілес, әрі бауырлас Өзбекстан көшбасшысына Қазақстан Республикасының Тұңғыш президенті Нұрсұлтан Назарбаев арнайы табыс еткен «Алтын қыран» марапаты да бар. Алдағы уақытта Ислам Кәрімов ұзақ жылдар бойына еңбек етіп талай маңызды шешімдер қабылдаған Ташкент қаласындағы кеңсе мұражайы ретінде ашылмақ.
