«Жастар» аллеясындағы «Білім алаңы» тараздықтарды таңырқатты

Тараз топырағында ерекше тойланып жатқан биылғы Наурыз мерекесіне барша қауым атсалысуда. Жамбыл облысының орталығындағы “Жастар” аллеясында бұл күні бірнеше нысан салтанатты түрде ашылып жатыр.

“Махаббат” стелласынан бастау алған негізгі шара М.Х.Дулати  атындағы ТАРГУ алдында бой көтерген “Білім алаңымен” ерекшеленді. Білім алаңының жалпы аумағы 1000 шаршы метрді құрайды. 

Онда 600 орындық ашық аспан астындағы амфитеатр орналасуда. Амфитеатр сахна 14 бағанадан тұратын арка негізінде бой көтеруде. Оның ұзындығы – 42 метр, ені – 16 метр. Ал, биіктігі – 12 метр. Бағаналар бағалы тровертин-табиғи тасымен қапталған. Бағана үстіндегі маңдайшаның сыртқы үш жақтауына үш тілде  білім туралы қанатты сөздер жазылған. Атап айтар болсақ, латын қарпіндегі қазақ тілінде: « Білім – өмір шырағы», көне түрік тілінде: «Білімсіз күнің жоқ», ағылшынша: «Күш атасы – білімде» деп жазылған.

Əулиеата қариялары айтпақшы, биылғы Наурыз мерекесіндегі елге жасалған ерекше сый — Тараз топырағына құт болып төгіліп тұрғандай.

«Айғақ-ақпарат».