Жоғалған баланы іздестіруге өзі кіріскен полиция бастығы

Шымкент қаласындағы Тассай тұрғын алабында күні кеше 4 жасар бала жоғалған болатын. Бұл ақпарат Шымкент қаласы полиция департаментінің де назарынан тыс қалмады. Яғни, аптаның жұма күні кешкі сағат 22.00 шамасында 102 сымтетігіне хабарландыру түсіп, жедел іздестірілу шаралары жүргізілген. Есік алдында ойнап жүріп қас қағым сәтте Із-түссіз кеткен баланы іздеуге құқық қорғау органдарының 500-ге жуық қызметкерлері ат салысқан. Осы тұста қалалық полиция департаментінің бастығы Ералы Жұмаханбетовте бей-жай қалмай, іздеу жұмыстарына өзі де кіріскен. Нәтижесінде баланы  бүгін таңғы сағат 8.00 шамасында Қызылсай елдімекенінің жазық даласынан тауып ата-анасына тапсырды.

Бүлдіршінді табуға Альфа есімді қызметтік иттің де көмегі тиген. Ендігі жерде бір түн бойы суық далада түнеген баланы медицина қызметкерлері толықтай тексерді. Олардың айтуынша, ешқандай жарақат алмаған жағдайы бірқалыпты тек күннің суығынан денесі жаурап қалған. Нұрислам есімді бала Қарлығаш Түгелбаеваның төртінші ұлы екен. Баласын бауырына басқан ата-ана атсалысқан барлық азаматтарға алғысын жеткізді. Осылайша нәтижелі жұмыс атқарған құқық қорғау органдарының қызметкерлері қашанда тұрғындардың амандығы үшін қызмет етуге әзір екендіктерін көрсетті.

«Айғақ-ақпарат».