Мамин мегаполистегі іске қосылатын акселератор пилоттық жобасымен танысты

Шымкент қаласына берілген ұлттық стратегиялық жоспарлар мен аймақтық бағдарламалар аясында қойылған міндеттердің орындалуын жеделдету мақсатында Шымкентте бірінші аймақтық акселераторын іске қосу жоспарлануда. Асқар Мамин Шымкентке жасаған сапарында мегаполистегі іске қосылатын акселератор пилоттық жобасымен танысты.

Шымкент акселераторы мемлекеттік және жеке сектор өкілдерін қатыстыра отырып, ведомствоаралық өзара іс-қимылды жақсартуы жолымен қаладағы өзекті мәселелерді жеделдетілген тәртіпте шешеді. Осылайша акселератор жұмыс орындарын құру, іскерлік аxуалды жақсарту, ШОБ дамыту, мемлекеттік қызметтердің сапасын арттыру және басқа да көптеген мәселелерді нормативтік-құқықтық актілерге және бюджет қаражатына өзгертулер енгізбестен тездетілген тәртіпте шешуге арналған алаң бола алады.Акселератор қаланы дамытуда елеулі табысқа қол жеткізген Дубай қаласының тәжірибесі бойынша құрылмақ.Болашақта қалалық акселератордың міндетін кеңейту жоспарлануда, бұл бизнес экожүйені дамыту мен инновациялық шешімдерді қалада қолдануды іске қосатын жобалар үшін стартап алаң құру арқылы жүзеге асырылады.Жалпы жоба екі кезеңнен тұрады. Алдымен акселераторды ашу болса, кейінне оның жұмысын бақылау үшін «Шымкент сити навигаторын» құру. Тиісті заңнамадағы шектеулердің салдарынан, мұндай ауқымды жобаны толық іске асыру мүмкін емес, сондықтан Шымкенттің акселераторын пилоттық режимінде іске қосу жоспарланған.