Әбдірахымов: Қарапайым заттар шығаратын өндірістеріне баса назар аудару керек

Шымкент қалалық әкімдігінде «қарапайым заттар экономикасын» дамыту аясында жиын болып өтті. Жиынға қала мэрі Ғабидолла Əбдірахымов төрағалық етіп, жеке кəсіпкерлер мен БАҚ өкілдері қатысты.

— Елбасы өз Жолдауында қарапайым заттар экономикасын дамытуды тапсырған болатын. Бұл негізінен шағын жəне орта кəсіпорындарға тиесілі. Бүгінде Шымкенттегі кəсіпкерліктің жалпы өнімдегі үлесі 25 пайызды құрап отыр. Бұл əлі де болса аз көрсеткіш. Сондықтан кəсіпкерлерді қарапайым заттар шығаратын өндірістеріне баса назар аудару керек. Оны дамытуға жəне ат салысуға шақырамын. Оған қаланың адами жəне материалдық техникалық ресурстары қауқарлы. Күнделікті тұтынатын заттарды өндіру нəтижесінде жұмыспен қамту импорталмастыру өсімдерін қамтамасыз ететін боламыз, деді. Ғабидолла Әбдірахымовтан соң жиналысты қала әкімінің орынбасары Данат Жумин жалғастырды. Мінберге мінген әкім орынбасары жол картасы бойынша атқарылған және алда атқарылатын тірліктердің жай-жапсарын баяндады.

Құрылыс материалдар, жиһаз және жеңіл өнеркәсіп бойынша арнайы Жол картасы әзірленгендігін атап өтті.  Сол жол картасының негізінде алдағы уақытта 76 гектар жерге «Жұлдыз» индустриалды аймағының құрылысын жүргізу жоспарымен бөлісті. Сонымен қатар, 200 гектарды құрап отырған «Оңтүстік» арнайы экономикалық аймағынының аумағы 500 гектаға кеңейту жоспарланған.Айта кетейік, Шымкент қаласының әкімі Ғабидолла Әбдірахымов наурыздың 5 күні Үкімет отырысында онлайн режимде жеңіл өнеркәсіпті дамыту бойынша есеп берді. Үкімет басшысына баяндама жасаған әкім осы «Оңтүстік» арнайы экономикалық аймағынының аумағын 500 гектарға ұлғайтуды сұраған болатын.

ФОТО: Б.Сейітжаппар.

«Айғақ-ақпарат».