Ет өнімдерінің қауіпсіздігі жіті бақылауда

Тамақ өнеркәсібінің ішінде ет және ет өнімдері өндірісін одан әрі дамыту, халықты жоғары сапалы ет өнімдерімен қамтамасыз ету қазіргі кезде ең басты мақсаттың бірі. Осы орайда Шымкент қалалық ауыл шаруашылығы және ветеринария басқармасы тарапынан қаладағы барлық базарларға ветеринария саласының жауапты мамандары бекітілген.

Олар базарға түскен азық-түлік және ет сүт өнімдеріне бақылау жүргізеді. Айталық қаладағы ірі сауда орындарының бірі саналатын «Алаш» базарына күнделікті 2,5 тоннаға жуық ет өнімдері әкелінентін болса олардың сапасы жауапты мамандардың жіті қадағалауында. Ол үшін базарда мал өнімдеріне сараптама жүргізетін арнайы лицензиясы бар ветеринарлық-санитарлық зертхана жұмыс істейді.

Мұнда алдымен базарға әкелінген мал етінің құжаттары тексеріледі. Яғни ет жеткізушілерде  мал сою орнынан берілген арнайы анықтама болуы тиіс. Содан соң зертхана мамандарымен сойылған малдың  басы қаралады. Тілінде ісік бар ма? Жарақат бар ма ол да тексеріледі. Әрмен қарай әкелінген еттің қауіпсіздігін анықтау жұмыстары зертханада жалғасады. Осы орайда Шымкент қалалық ауыл шаруашылығы және ветеринария басқармасының бөлім басшысы Манарбек Ержігітов қала базарларында тамақ өнімдерінің қауіпсіздігін бақылау жұмыстары өз денгейінде атқарылып отырғандығын жеткізді.«Алаш» базары тамақ өнімдерінің  сапасын тексеретін зертханадан өзге  ет шабатын орын,тоңазытқыш сынды қажеттіліктермен қамтылған. Сондықтан Ет өнімдері арнайы бөлімде шабылып, сауда сөрелеріне дайын күйінде келеді.

Базардағы ветеринарлық зертхана мамандарының айтынша тексеру қорытындысымен мал еттерінен теріс нәтиже шыққан жағдайда оның заңға сәйкес өзіндік жойылу тәртіптері бар. Осылайша тамақ өнімдері қауіпсіздігін басты бақылауда ұстап отырған базарда сүт, балық жеміс-жидек өнімдерінің сапасы да жіті қадағаланады.

«Айғақ-ақпарат».