Ұлы Дала өркениетінің мәні мен құндылықтары сарапталды. Мұхтар Әуезов атындағы Оңтүстік Қазақстан мемлекеттік университетінде өткен халықаралық конференцияның басты тақырыбы дәл осы Елбасы бағдарламаларына қатысты. Ұлы Даланың ежелгі орта ғасырдың маңызды және жаңа тарихтың жаңа деректерін белгілі тарихшылар жастарға түсіндіріп берді.
Елбасы «Қазақстан тарихы да жеке жұрнақтармен емес тұтастай қалпында, қазіргі заманауи ғылым тұрғысынан қарағанда түсінікті болуы тиіс». «Көпқырлы әрі ауқымды тарихымызды дұрыс түсініп, қабылдай білуіміз керек» деп нақтылаған. Яғни, тарихты жастарға кейінгі ұрпаққа жеңіл тілде түсіндіру жұмыстары жасалу керектігін айтты. Бүгінгі жастар қатысқан ғылыми-конференция да осындай форматта өтті. Ұлы Дала өркениетінің мәні мен құндылықтарын ашуға шетелдік және отандық ғалымдар, қоғам қайраткерлері мен тарихшылар шақыртылған. Ой саларлық тақырыптар сөз болған жиында «Рухани жаңғыруды» орындамай «Рухани қаңғырып жүргендер» туралы да айтылды. Қоғам жанашырлары олардың алдын алу керек деп дабыл қақты.
Ұлы Даламызда ұлы өркениеттер мен құндылықтар жетерлік. Тек, оларды кейінгі ұрпақ түсінсе, бағаласы игі еді. Сол үшін пофессор-ғалымдар өз білгендері мен жинақтаған еңбектерін жас буынға үйретіп, рухани саналарын жаңғыртуда. Конференция барысында сырлы тарихқа толы Отырар қаласының пайда болуы мен бүгінгі жайы ерекше айлыды. Жас тарихшыларды да осы тақырып қызықтырды.
Дәстүрлі түрде ғылыми-конференция өткізетін оқу орны осылайша кезекті тақырыбын «Ұлы далының жеті қырын» насихаттауға арнады. Бұл жиыннан бөлек, университет дәлізіне Түркістан облыстық тарихи-өлкетану мұражайының және Отырар кітапханасының көрмелері қойылған.
