13 жасар Бақытжан Беркінбаев бүгінгі күннің батыры. Ол екі баланы өрттен аман алып қалды. Ерлікті елеген Шымкент қалалық Төтенше жағдайлар департаменті арайы алғыс хатпен мараппаттады.
Апат айтып келмейді. Тілсіз жау тағы бір шаңырақты баспанасыз далада қалдырды. Өрт 16 ақпан күні Абай ауданы Құрсай мөлтек ауданы Жаңақұрылыс көшесінің бойындағы 3 бөлмелі үйде болған. Өрт шыққан кезде үйде 3,6,7 жасар үш бала ата-анасының қарауынсыз қалған. Шымкент қалалық Төтенше жағдайлар департаментінің бастығы азаматтық қорғау полковнигі Нұрболат Бекболатұлы мән-жайды айтып берді.
«Сенбі күні сағат 16:39-да Шымкент қаласы Төтенше Жағдайлар департаментінің жедел басқару орталығының 101 телефон нөміріне өрт шыққаны туралы хабарлама келіп түсті. Өрт сөндіру қызметнің №1 мамандандырылған жасақтың 14 адам жеке құрамы оқиға орнына келіп, өртті сөндіруге кірісті. Өрт сағат 17:05-те оқшауланып, сағат 18:20-да толық сөндірген. Сұрастыра келе, өрт сөндірушілер үйдің үлкен қызы түтінді көріп, қорыққандықтан көршілеріне көмек сұраға жүгіріп барғандығын анықтаған. Көршісі 2005 жылы туылған жасөспірім анасын өт сөндіру қызметін шақыртуды өтінеді. Өзі түтінге тола үйден 2013 жылы туылған қыз бала мен 2015 жылы туылған ер баланы уақытысында шығарып алады. Себебі артынша үйдің барлығы ортқа оранады. Оны жетіп келген өрт сөндіру қызметі сөндіреді. Көрші баланың ержүректігі мен батырлығы екі бүлдіршіннің өмірін құтқаруға көмек берді. Мамандар өрттің себебін анықтауда». 
Иә, Бақытжанның бұл әрекеті көңіл қуантады. Кішкентай жүрегі мейірімге толы. Осындай қысылтаяң сәтте қолының сынғанына қарамай, еш қорықпастан, балалардың өмірін құтқаруды ойлады. «Мектепте өрт кезінде қалай әрекет ету керектігін үйретті. Сондықтан қорқыныш болмады» дейді батыр жігіт.
Ерлікті елеген Шымкент қалалық Төтенше жағдайлар департаменті арнайы алғыс хатпен мараппаттады. Естелік сыйлық берді. Тәрбиені тереңнен сіңіртіп отырған Бақытжанның ұстаздары мен мектеп әкімшілігіне алғыс айтты. Оқиға қалай болғандығын толық білу үшін түсірілім топпен өрт болған жерге келдік. Расында, өрттің жалыны аз болмаған. Жану көлемі 60 шаршы метрді қамтыпты. Қыштан қаланған қабырғалар қақсиып тұрғанмен, үйдің іші астаң-кеестең, қара күйеге боялған. Үй шатырының жартысы жанып кеткен. Әлі қолданып үлгермеген техникалық заттар жарамсыз күйге. Үй иесінің айтуынша, бұл үйді2014 жылы өзі досының көмегімен тұрғызып, 2015 жылы кірген екен. «Тас түскен жеріне ауыр». Бір күнде далада қалып, қазір туыстарының үйін паналауда. Сұхбат беруден бас тартты. Балаларының амандығына шүкіршілік етіп отыр. Жұбайының жұмысытаңнан кешке дейін екен. Ал өзі түске дейін балалардың қасында болып, түскі астарын берген соң, қалаға күн көрістің қамымен шығып кетеді. Үнемі жұмыста кезде екі бауырына қамқор болып жеті жастағы үлкен қызы қалады екен. Бұл жолы да солай болған. Баланың аты бала. От тұтатқышпен ойнаған көрінеді. Байқаусызда өрт шыққан. Кішкентай Арайлым Аманғали не болғанын айтып берді.
«От тұтатқыш тауып алдым. Оны бауырларым алмасын деп қалтама салып қойдым. Сосын сырттан келсем, тұтатқыш жоқ. Кішкентай інім алып жағыпты. Содан көрпе жанды. Мен оны екі стақан су құйып өшірдім. Иісі кетсін деп есік, терезелерді ашып қойдым. Далаға шығып кеттік. Үйге келсек, өрт өршіп кетіпті. Жүрігіп көшіміз Бақытжанды шақырдым. Бақытжан келгенде інілерім үйге кіріп бара жатты. Бақытжан кіргізбей барлығымызды үйіне қарай алып келді. Әкем мен анамды күтіп отырдық. Олар келіп, бізді әпкеміздің үйіне алып кетті».
Балалы үйде ұрлық жатпайды. Кішкентай Арайлым оқиғаны осылай баяндады. Дегенмен, үлкендер келем дегенше, балаларды қорғап, Бақытжан жанашырлық танытты. Қатерлі қауіптен сақтап қалды. Қан майдандай жалындаған қызыл өрттен тайсалмады. Баламын деп қаймыққан жоқ, жауапкершілікпен әрекет жасады. Бақытжан Беркінбаевтың бұл әрекеті өзгеге үлгі боларлық. Қазақтың әрбір ұлының бойынан осындай қайсарлық табыла бергей!
«Айғақ-ақпарат».
