— Түркістанның төрінде Асқар Маминнің қатысуымен өтіп жатқан алқалы жиында Жансейіт Қансейітұлының бірінші орынбасары таныстырылды. Бұл қызметке Қосман Айтмұхаметов келді. Қосман Қайыртайұлы 1963 жылы 29 тамызда Целиноград облысында дүниеге келген. 1986 жылы инженер-механик мамандығы бойынша Целиноград инженер-құрылыс институтын, 2006 жылы заңтану бакалавры мамандығы бойынша Қазақ мемлекеттік заң академиясын тәмамдаған. Еңбек жолын 1983 жылы Ақмола облысының «Изобильный» кеңшарында жұмысшы болып бастаған. Түрлі салада инженер болып еңбек етіп, еңбегімен көзге көрінеді. Нәтижесінде 2009 жылы Ақмола облысы әкімінің орынбасары болды. 2013-2014 жылдары – Ақмола облысының әкімі; 2014 жылдың маусымынан бастап өңірлік дамуда вице-министр. 2014 жылдан бастап Ұлттық экономика министрлігінің Құрылыс, тұрғын үй-коммуналдық шаруашылық істері және жер ресурстарын басқару комитетінің төрағасы лауазымын атқарған
— Қызылорда облысының әкімі Қырымбек Көшербаев Сыр аймағындағы ағайынмен кездесіп, есеп берді. Сыр өңіріндегі жиынға «Айғақ» телеарнасының түсірілім тобы «Өңірлердің өсуі» атты жобаның негізінде қатысып қайтты. «Сырт көз сыншы».
— Айғақ телеарнасы қолға алған «Өңірлердің өсуі» атты жоба аясында біз сіздердің назарларыңызға төрт бірдей аймақтағы әкімдердің есебін көрсетуді жоспарлаған болатынмыз. Мәселен, күні бүгінгі бейсенбіде Тараз қаласының әкімі халық алдында есеп берді. Бұл туралы алдағы жаңалықтардан көретін боласыздар. Жамбыл облысының әкімі Асқар Мырзахметовтың де қорытынды жұмысы алдағы күннің еншісінде. Ал, 15 ақпан жұма күні сағат 11-де Түркістан облысының әкімі Жансейіт Түймебаев және дәл осы күні Шымкент қаласының әкімі Ғабидолла Әбдірахманов халықпен кездесетін болады. Есептік кездесуді арнамыздың алдағы күндеріндегі жаңалықтардан жіберіп алмаңыздар,
— Ордабасы ауданына жаңа әкім тағайындалды. Жеті айдандан бері бос тұрған басшылық лауазымына Қайрат Жолдыбайұлы сайланды. Осы ретте Түркістан облысының әкімі Жансейіт Түймебаев жаңа басшыны Ордабасы ауданының тұрғындарымен кездестіріп алдағы жұмысына сәттілік тіледі.
— Шымкент қалалық полиция департаментінің бастығы Ералы Жұмаханбетов қала тұрғыдары алдында өткен жылы атқарылған жұмыстар бойынша есеп берді. Яғни, Республикалық маңызға ие қаламыздағы қылмыс пен құқықбұзушылықтың алдын алу және орын алған қылмыстардың ашылу көрсеткіштері бойынша баяндама жасаған департамент басшысы қала тұрғындары тарапынан қойылған сауалдарға да жауап берді.
— «Нұр Отан» партиясы Шымкент қалалық филиалының өкілдері Қаратау ауданында орналасқан мамандандырылған халыққа қызмет көрсету орталығында болды. Темір тұлпардың иелеріне жиі қызмет көрсететін орталықтың жұмысымен танысып, қызмет көрсету сапасына сын білдірді. Арнайы ұйымдастырылған шара барысында орталыққа келушілерге арналған автотұрақтан бастап, көрсетілетін қызмет түрлеріне қатысты бірқатар мәселелер көтерілді.
— Республикалық маңызға ие Шымкент қаласында халықты жұмыспен қамту бағытында ауқымды жұмыстар атқарылып келеді. Айталық «Еңбек» нәтижелі жұмыспен қамтуды және кәсіпкерлікті дамытудың 2017-2021 жылдарға арналған бағдарламасының аймақта орындалу денгейі де жоғары көрсеткішке ие. Мәселен, 2018 жылдың қорытындысымен аталмыш бағдарлама шеңберінде қала бойынша 26 мың 207 азамат нәтижелі жұмыспен қамтылып тиісті жоспарлар артығымен орындалған.
— «Қайырымдылық керуені» жалғасуда. Қазақстан халқы Ассамблеясының бастамасымен іске асырылып жатқан акция ақпан айында «Сыбаға» атауымен өткізу жоспарланған. Жобаның мақсаты қоғамдағы қорғалмаған топтарға қолдау көрсету және ұлттық дәстүрді қайта жаңғырту. Қазақстан халқы Ассамблеясының өкілдері Сайрам, Төле би, Қазығұрт, Сарыағаш аудандарына сыбаға үлестіруге жолға шықты. Аталмыш акцияны өткізуге «Қоғамдық келісім» мекемесі мен Түркістан облысындағы 12 түрлі этномәдени бірлестік өкілдері демеушілік жасап отыр.
— Кеңес әскерінің Ауған жерінен шығарылғанына 30 жыл. Бүгінде он жыл бойы соғыс отына оранып, азабын тартқан ардагерлерге үлкен құрмет көрсетілуде. Солардың бірі, «ПетроҚазақстан Ойл» ЖШС компаниясының қызметкерлері. Бұл ұжымда 14 Ауған соғысының ардагерлері жұмыс жасайды. Ерліктің ерен үлгісін көрсеткен ел ағаларына «ПетроҚазақстан» кәсіпорны арнайы марапаттауларымен, алғыс хаттар табыстады.
— Сайрам ауданының ветеринария саласы бойынша өткен жылы тиісті жұмыстар жоғары денгейде атқарылған. Осының нәтижесінде былтыр аудан аумағы бойынша төрт түлікте кездесетін аса жұқпалы аурулар тіркелмеген. Сонымен бірге кенелерге қарсы өңдеу шаралары да сапалы атқарылып, ауыл шаруашылығы жануарларын бірдейлендіру жұмыстарына басымдық берілген. Бұл туралы «Сайрам аудандық ветеринарлық қызметі» мекемесінің директоры Бекжан Халимжанов мәлімдеді.
— Ордабасы ауданында орналасқан №18 колледжге биыл 60 жыл толып отыр. 1959 жылы іргесі қаланған оқу орны бүгінге дейін 30 мыңнан астам кадр даярлаған. 400 балаға шақталған білім ордасының қазіргі ахуалы қандай?
— Отырар ауданындағы 1986-шы жылы іргесі қаланған №20-шы колледжде 600 ге жуық талапкер білім алуда. Оның 400-ден астамы облыстық бюджет есебінен грантта оқиды.
«Айғақ-ақпарат».
