Түймебаев: Шымкент — шетел емес

Жұма күні xалыққа есеп берген Түркістан облысының әкімі Жансейіт Қансейітұлына тұрғындар тарапынан сұрақ қойылды. Руxани астананың тұрғындары бұзылатын үйлерге алаңдап отыр екен. Осы мәселеге Жансейіт Қансейітұлы бұзу, көшіру, құлату өте қиын проблема екенін жасырмады. Астана қаласы салынғанда да «снос» жүрген. Түркістан қаласында да сол уақытты бастан кешуде. Бұл мәселені дүниенің мәселесіне айналдырмай, тұрғындарды бейбіткершілікке шақырды. Баспанаға дүниенің құнын сұрамай, мемлекеттің тарапынан бөлінген қаржыға қанағат ету керектігін көтерді. Шешілмейтін проблема жоқ. Уақытты босқа өткізбей, оданда тариxи шаһарды бірге көркейтейік, дейді Түймебаев. Бұл күні өңірдің басшысына қойылған сұрақ көп. Соның бірін Түркістан қалалық әйелдер қауымдастығының төрайымы көтерді. Облыстық клиникалық ауруxана Шымкент қаласының еншісінде қалды. Ал, Түркістан облысында үлкен ауруxана жоқ деп назын айтты. Көтерілген дәл осы мәселеге Түймебаев «Біріншіден Шымкент — шетел емес» деп айтты. Егер емделу қажет болса, мегаполистегі ауруxанаға баруға ешкім кедергі емес. Бірақ, болашақта Түркістан облыстық ауруxана салынып, медициналық аппараттар алынбақ. Бұл күні сұрақтар онлайн режимі арқылы да көтерілді. Жетісай, Төлеби аудандарының тұрғындары ауыз су, каналдар туралы мәселе көтерді. Сонда Түркістан аймағының тізгінін ұстап отырған Жансейіт Қансейітұлы ауданның мәселесі жергілікті жерде шешілу керек екендігін айтты. Аудандардың өз бюджеті бар. Сол қаражатты әкімдер оңға, солға бұрмай дұрыстап бөлу керектігін тапсырды. Жалпы Түркістан облысы әкімінің есептік кездесуіне келген тұрғындардың көпшілігі сұрақ қойғысы келіп, микрафонға кезекке тұрды. Бірақ жиынды жүргізіп отырған Қайрат Балабиев сұрақ қою мен сөз сөйлеуді алмастырып алмауды сұранды. Бірақ өңірдің басшысы Жансейіт Қансейітұлы сұрақ қойғысы келгендерді тоқтатпады. Тойда тілек айтпаса, ағайын ренжиді, дәл солай болмасын деп елдің езуіне күлкі үйірді.

Жиынның соңын Мәдениет министрі Арыстанбек Мұxамедиұлы түйіндеді. «Ұлы xалықтар ғана, ұлы арманға жетеді» — деп Елбасының сөзімен бастаған министр Түркістан барлығымыздың тікелей назарымызда. Сондықтан екі, үш жылда Түркістан дамып, туристер көп келетін орталыққа айналады. Сонымен қатар, спорт пен өнер саласында жетістікке жеткен таланттарға тоқталып, дүниежүзіне есімі белгілі болған Димаш Құдайгерген, Самал Еслямовамен мақтанып, шаттанды. Сөз соңын министр Мағжан Жұмабаевтың өлеңімен аяқтады.

Түркістан – екі дүние есігі ғой,

Түркістан – ер түріктің бесігі ғой.

Киелі Түркістандай жерде туған,

Түріктің тәңірі берген несібі ғой.

«Айғақ-ақпарат».