Премьер-Министрдің бірінші орынбасары Асқар Мамин Түркістан облысына жыл басынан бері жұмыс сапарымен осымен екінші рет келді. Өңір басшысы Жансейіт Түймебаев Премьер-Министрге Түркістан қаласындағы атқарылып жатқан құрылыс жұмыстарды көрсетті.
Астанадан келген жұмысшы топ құрылысы жүргізіліп жатқан әкімшілік-іскерлік орталығында болып, 13 нысанды іске асыру үшін жер телімдері толығымен босатылғандығына көз жеткізді. Қазіргі таңда онда облыстық әкімдік пен басқармалардың және департаменттердің ғимараттарының құрылысы жүруде.
Бұдан соң, Асқар Маминге құрылыс материалдарының көрмесі, 26 көпқабатты тұрғын үй мен 88 көпқабатты тұрғын үйдің және сауда орталықтардың құрылыс жұмыстары таныстырылды. Айта кетерлігі, 1536 пәтерден тұратын баспаналардың 1200 пәтері арендалық үйлер болып табылса, қалған 6 тұрғын үй, яғни 336 пәтер кредиттік баспаналарға жатады. Іргетасы осы жылдың қыркүйек айында қаланып, мемлекеттік бюджет есебінен салынып жатқан 60 пәтерлі 20 тұрғын үйдің 11-і 2019 жылдың сәуір айында тапсырылады. Қалған 6 тұрғын үй (540 пәтер) құрылысы қараша айында басталған болатын. Тапсырылу мерзімі келер жылдың қараша айына жоспарланған. Жаңадан бой көтеретін 88 тұрғын үйдің 44-і 2019 жылы пайдалануға берілсе, қалған 44 үй 2020 жылы ел игілігіне тапсырылады деп күтілуде.
Асқар Мамин бастаған жұмысшы топты облыс әкімі Жансейіт Түймебаев Қожа Ахмет Ясауи музейінің құрылысымен де таныстырды. Түркістан қаласының рухани-мәдени аймағында «ҰӘҚ Самұрық қазына» АҚ тапсырысымен Қожа Ахмет Ясауи мұражай нысаны бой көтеруде. Аумағы 3200 шаршы метрді құрайды. «Самұрық-Қазына» компаниясының тапсырысымен салынуды. Ұлы тұлғаға арналған музейдің де құрылыс жұмыстарын аяқтау 2020 жылдың соңына қарай жоспарланып отыр.
Бірінші Вице-премьер құрылыс жұмыстарымен танысып, жұмысты қарқындатуды тапсырды.
Астаналық жұмысшы топ аялдаған келесі нысан Әзірет Сұлтан қорық музейі болды. «Әзірет Сұлтан» қорығына мәдени-тарихи Визит орталығын тұрғызбақ.
Айта кетейік, рухани астанада Шығыс моншасының іргесі қаланды. Құрылыстың алғашқы кірпішін қалаған ҚР Премьер-министрінің бірінші орынбасары А.Мамин, Түркістан облысының әкімі Ж.Түймебаев, Қызылорда облысының әкімі Қ.Көшербаев. Бұл нысанды Қызылорда облысы Түркістанға тарту етіп отыр.
Сапар соңында Түркістан мен Қызылорда облысының өндіріс орындары өндіретін құрылыс материалдары көрмесі өтті. Онда қыш, плита жабынды сынды құрылысқа қажетті жабдықтар қойылды.
«Айғақ-ақпарат».
