— 2007 жылдан бері республикада 100 пайыз мемлекеттік тілде хабар таратып жатқан «Айғақ» телеарнасы бүгінде халықтың ыстық ықыласына бөленіп келеді. Шымкент қаласы мен мегаполиске жақын орналасқан бірқатар аудандарда таралымы жүргізіліп жатқан «Айғақты» енді рухани астананың тұрғындары да көру мүмкіндігіне ие болды. Бұған дейін арнамыздың ақпараттарын Түркістан облысының жұртшылығы мен еліміздің көрермендері Қазақтелекомның ID tv құрылғысы арқылы тамашалап келген. Бүгіннен бастап, облыс орталығына «Айғақ» телеарнасы өз жиілігін таратып жатыр.
— Шипажайы мен жылыжайы қатар дамыған шекаралы аймақ Сарыағаштың даму көрсеткіші қандай? Шағын және орта кәсіпкерлік қарқын алған ауданның ендігі мақсаттары нені көздейді? 2018 жылы Елбасының тарихи шешімімен екі ауданға құрылымдалған ендігі Сарыағашты қандай мәселелер толғантады? 2018 жылы атқарылған жұмыстар мен алдағы тұрған жоспарлармен таныстырған аудан әкімі Қайрат Әбдуәлиев халық алдындағы қорытынды есебін берді. Әрине, пікір білдірушілердің саны толастаған жоқ. Жұмыс бар жерде мәселенің болатындығын айтқан аудан басшысы кез келген жағдайдан шығудың жолы – ауызбіршілік пен татулық екендігін тағы бір түсіндірді.
— Түлкібастық шаруалар соңғы жылдары жеміс-жидек түрлерін өсуру ісіне мықтап ден қойып келеді. Мәселен, 2018 жылы алма өсіруде үздік ауданда бойынша шаруашылықтардың еселі еңбегінің нәтижесінде 25 мың 100 тонна өнім жиналыпты. Яғни, алманың әр гектарына шаққанда аграрлы аймақ 84 центнерден өнім алған. Сондай-ақ, жері шүйгін, топырағы құнарлы, шаруаға жайлы құт мекенде, диқандар жаңғақ ағаштарын егіп, өнім өндіруге де бет бұрып келеді.
— Түркістан облыстық клиникалық ауруханасында еліміздің үздік генетиктері бас қосты. Онда жүкті ана мен дені сау бала жағдайы сөз болып, біршама мәселерелер талқыланды. Бұл проблема жөнінде мегаполис дәрігерлерімен тәжірибе алмасу үшін Алматыдан мамандар арнайы келген.
— Естімеген елде көп: ақпан айының 1-і күні Сайрам ауданына қарасты Қарабұлақ төрттүлік базарында 4 күн бойы аю қамаулы тұрған. Аю Мәскеу облысының Королев қаласынан әкелініпті. Бүгінде аңның не себепті Шымкентке әкелінгенін ішкі істер органдары тергеп тексеруде.
— Елбасы «Еліміздің ертеңі — бүгінгі жас ұрпақтың қолында,ал жас ұрпақтың тағдыры ұстаздардың қолында» деген болатын. Осы орайда Т.Рысқұлов атындағы №25 мектеп-гимназиясында «CLIL әдісі» аясында қалалық семинар өтті.Қала мектептері арасында өткен шараға Назарбаев Зияткерлік мектебінің ұстаздары мен жас мұғалімдер қатысты.
— Шымкент қалалық соты қаладағы жоғары оқу орындарының және колледждеріде заңгер мамандығы бойынша білім алған талапкерлер 200 жұмыс орнын қарастырып отыр. Осының негізінде Шымкент қалалық соты үшінші мегаполистің жұмыспен қамту және әлеуметтік қорғау, отбасы балалар және жастар істері жөніндегі басқармамен өз ара ынтымақтастық туралы мемарандум түзді. «Жастар практикасы» және «Жол картасы 2020» бағдарламалары аясында ұйымдастырылғын шараның мақсаты білікті жастарды жұмысқа тарту жоспарланып отыр. Кездесу барысында сот жүйесінде қолданысқа енгізілген электрондық-ақпараттық технологиялармен сервистер таныстырылды. Сонымен қатар Шымкент қалалық соттар әкімшісінің басшысы Нұрсұлтан Байтілесов жастар тарапынан сот жұмысын жетілдіруге байланысты ұсыныс-пікірлері болса қолдауға дайынбыз дейді.
— «Халықтың бренді» жобасы аясында, түрік этно мәдени бірлестігінің мүшесі болып табылатын бір қатар табысты кәсіпкерлер бүгін өз тәжірбиелерімен бөлісті. Шымкент қалалық Қазақстан халқы Ассамблеясының қолдауымен басталған жиында «Даму» кәсіпкерлікті қолдау қорының өкілдірі жәнеде табысты бизнеске қызығатын студент жастар келді. Шара аясында мұнда жергілікті тауар өндіруші мекемелердің көрмесі көпшіліктің назарына ұсынылып, кәсіпкерлік жәйінде кеңінен айтылды. Айта кету керек, бүгінде қаладағы этномәдени бірлестіктер тек көңілді шара өткізу мен шектелмей мегаполистің экономикалық әлеуетін артыруға лайықты үлес қосы қажет. Осы ретте, аталған «Халықтың бренд» жобасы бастау алып отыр.
«Айғақ-ақпарат».
