Конференцияға Түркістан облысының әкімі, «Нұр Отан» партиясы Түркістан облыстық филиалының төрағасы Ж.Түймебаев, партия төрағасының бірінші орынбасары Н.Жолдасов пен облыстық маслихат хатшысы Қ.Балабиев пен маслихат депутаттары және бастауыш партия ұйымдары мен «Жас Отан» жастар қанатының мүшелері, бұқаралық ақпарат құралдарының өкілдері қатысуда.
Жиын барысында «Нұр Отан» партиясының 20 жылдығы». Жасампаздық және әлеуметтік даму кезеңі», ҚР Президентінің «Қазақстандықтардың әл-ауқатының өсуі: табыс пен тұрмыс сапасын арттыру» атты 2018 жылғы 5 қазандағы Жолдауын іске асыру барысы туралы баяндалып, «Нұр Отан» партиясының 2030 жылға дейінгі Бағдарламасы жобасының негізгі ережелеріне талқылау жүргізілді. Сонынмен қатар, Партия Жарғысына және «Нұр Отан» партиясы Түркістан облыстық филиалының Саяси кеңесі құрамына өзгерістер мен толықтырулар енгізу туралы ұсыныстар айтылып, облыстық филиалдың бақылау-тексеру комиссиясының құрамын сайлау туралы және «Нұр Отан» партиясының кезекті ХVІІІ Съезіне делегаттарын сайлау туралы мәселелер қаралды.
Баяндама барысында облыс әкімінің орынбасары М.Отарбаев: «Елбасымыз Нұрсұлтан Назарбаев 2018 жылдың 5 қазанында «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауын жариялаған болатын. Түркістан облысында Жолдаудағы міндеттерді жүзеге асыру бойынша түсіндіру және насихаттау мақсатында 5 ақпараттық насихаттық топ құрылып, әр топты облыс әкімінің орынбасарлары басқарды. Топ құрамында 24-салалық басқарма басшылары мен 12 қоғамдық ұйым жетекшілері және облысымыздағы үш жоғарғы оқу орындарыннан 20 лектор-сарапшылар енді», — деді.
Жалпы, аталған насихаттық топтар облыстың барлық аудан, қалаларында іс-сапарға шығып, тұрғындармен 48 кездесу өткізіп, 10 мыңға жуық адамды қамтыған.
2019 жылдың 1 қаңтарынан бастап электр энергиясын өндіруші станциялардың, таратушы мекемелердің тарифтері шамамен 6,8 пайызға, табиғи газбен қамтамасыз ету саласы бойынша тұтынушылар үшін, газды облыстың ішкі жүйелермен тасымалдауға бекітілген тариф 8060 теңгеден 7036,87 теңгеге төмендетілді. Бұл осы жылмен салыстырғанда 1024 теңгеге немесе 12,7%-ға арзан.
Нәтижелі жұмыспен қамту және жаппай кәсіпкерлікті дамыту бағдарламасы бойынша біліктілігі жоқ 5304 азамат оқытылуда. Бірінші рет биыл мемлекеттік тапсырысты қалыптастыру мақсатында білім басқармасы жанынан 7 сала бойынша жұмысшы топ құрылып, 9 мыңнан астам мемлекеттік тапсырыс беру шешімі қабылданған.
«Айғақ-ақпарат».
